চীনে নেপালৰ বৃহৎ ভূমি দখল কৰি সেই স্থানত দেশ খনৰ পথ নিৰ্মাণ কৰাৰ বিষয়কলৈ উত্তপ্ত হৈ পৰিছে নেপাল।
নেপালৰ জনতাই চীনৰ বেল্ট ৰোড ইনিছিয়েটিভ (বিআৰআই)কে ধৰি বিভিন্ন কাৰণত চীনৰ বিৰুদ্ধে প্ৰতিবাদ সাৱস্ত্য কৰিছে।
নেপালী সংবাদ মাধ্যমৰ উদ্ধৃতি দি আন্তৰ্জাতিক অধিকাৰ আৰু সুৰক্ষা মঞ্চই (আইএফএফআৰএএছ) হুমলা, গোৰ্খা, দৰচুলা, দোলাখা আৰু সিন্ধুপাল চক জিলাত চীনে ব্যাপক হাৰত ভূমি বেদখল কৰা বুলি অভিযোগ কৰিছে।
চীনে নেপালৰ হুমলা জিলাৰ সীমান্তৰ ১ কিলোমিটাৰ ভিতৰলৈ সোমাই আহি নিৰ্মাণ কাৰ্য চলাই আহিছে। বেইজিঙে নেপালৰ সাৰ্বভৌমত্ব বিপদাপন্ন কৰি তোলা বুলি প্ৰতিবাদকাৰীসকলে অভিযোগ কৰিছে। ঝাপা জিলাৰ স্থানীয় লোকে জিলা খনত চীনৰ পৃষ্ঠপোষকতাত নিৰ্মাণ কৰা ডামাক ক্লিন ইণ্ডাষ্ট্ৰিয়েল পাৰ্কৰ বিৰোধিতা কৰি আহিছে।
উল্লেখ্য ২০২১ চনৰ জুলাই মাহত চীনৰ প্ৰতি সদয় অলিয়ে নেপালৰ প্ৰধানমন্ত্ৰী পদৰ পৰা পদত্যাগ কৰাৰ পিছত, বেইজিঙে হিমালয়ৰ দেশখনত নিজৰ প্ৰভাৱ বজাই ৰখাৰ ক্ষেত্ৰত অসুবিধাৰ সন্মুখীন হৈছে।
এনে পৰিস্থিতিৰ মাজতে দেশ খনে নেপালৰ ভূমিত প্ৰৱেশ কৰি নিজৰ দখল সাৱস্ত্য কৰিবলৈ উঠি-পৰি লগা দেখা গৈছে।
