প্ৰথম পৰ্য্যায়ত পঞ্চায়ত নিৰ্বাচন অনুষ্ঠিত হ’ব লগা অসমৰ ১৬ খন জিলাত অহা ৫ ডিচেম্বৰত ঘোষণা কৰা হৈছে ৰাজহুৱা বন্ধ।
তিনিচুকীয়া, ডিব্ৰুগড়, শিৱসাগৰ, চৰাইদেউ, যোৰহাট, মাজুলী, গোলাঘাট, নগাওঁ, ধেমাজি, লখিমপুৰ, বিশ্বনাথ, শোণিতপুৰ, দৰং, মৰিগাওঁ, কামৰূপ (মহানগৰ) আৰু কামৰূপ জিলাত এই বন্ধ প্ৰযোজ্য হ’ব।
এন আই এক্ত (NI Act, 1881/ XXIV)ৰ অধীনত উক্ত জিলাকেইখনৰ চৰকাৰী/ বেচৰকাৰী কাৰ্য্যালয়, শিক্ষানুষ্ঠান আৰু ব্যৱসায়িক প্ৰতিষ্ঠান বন্ধ থাকিব।
অসমৰ ৰাজ্যপালৰ এই ঘোষণাৰ জাননী (নং GAG (A), 206/2013/60) বৃহস্পতিবাৰে জাৰি কৰিছে অসম চৰকাৰৰ সাধাৰণ প্ৰশাসন বিভাগৰ আয়ুক্ত সচিব এম অংগমুথুৱে।
এই জিলাকেইখনত প্ৰথম পৰ্য্যায়ৰ নিৰ্বাচনৰ পিছত অহা ৯ ডিচেম্বৰত ৰাজ্যৰ বাকী জিলাসমূহত নিৰ্বাচন অনুষ্ঠিত হ’ব।
