কংগ্ৰেছৰ সভাপতি নিৰ্বাচনকলৈ এতিয়া দলটোৰ ভিতৰত বেছ তৎপৰতা আৰম্ভ হৈছে। এনে সময়তে ৰাহুল গান্ধীয়ে কংগ্ৰেছৰ সভাপতি পদ গ্ৰহণ কৰিবলৈ অনিচ্ছুক বুলি খবৰ আহিছে।
ৰাহুল গান্ধীক কংগ্ৰেছৰ সভাপতি পাতিব লাগে বুলি দেশৰ কেইবা খনো ৰাজ্যৰ কংগ্ৰেছে দাবী জনাই আহিছে যদিও কংগ্ৰেছৰ সাংসদ ৰাহুল গান্ধীয়ে দলটোৰ সভাপতি নিৰ্বাচনত প্ৰতিদ্বন্দ্বিতা কৰিব বিচৰা নাই।
কংগ্ৰেছৰ এটা সূত্ৰই এই কথা স্পষ্ট কৰি দিছে। সূত্ৰটোৰ মতে ৰাহুল গান্ধীয়ে দলৰ ভাৰত যোদো যাত্ৰা এৰি দিল্লীলৈ উভতি নাযায়। বৰ্তমান এই যাত্ৰা কেৰালাত আছে আৰু ২৯ ছেপ্টেম্বৰত কৰ্ণাটকত প্ৰৱেশ কৰিব।কংগ্ৰেছৰ সভাপতি পদৰ বাবে মনোনয়ন দাখিলৰ অন্তিম তাৰিখ হৈছে ৩০ ছেপ্টেম্বৰ।
শশী থাৰুৰে “আভ্যন্তৰীণ গণতন্ত্ৰ” শক্তিশালী কৰিবলৈ ১৭ অক্টোবৰত অনুষ্ঠিত হ’বলগীয়া নিৰ্বাচনত প্ৰতিদ্বন্দিতা কৰাৰ ইচ্ছা প্ৰকাশ কৰে। ইয়াৰ প্ৰত্যুত্তৰত ছোনিয়া
গান্ধীয়ে তিৰুৱন্তপুৰমৰ সাংসদগৰাকীক সন্মতি প্ৰদান কৰি কয় যে যিকোনো লোকে নিৰ্বাচনত প্ৰতিদ্বন্দিতা কৰিব পাৰে।
