গুৱাহাটী ৰেইলৱে আৰক্ষীৰ জালত বৃহৎ পৰিমাণৰ গাঞ্জাসহ ত্ৰিপুৰাৰ যুৱক
আজি গুৱাহাটী ৰেইলৱে ষ্টেশ্যনত বৃহৎ পৰিমাণৰ গাঞ্জাসহ এজন বহিঃ ৰাজ্যৰ যুৱকক ৰেইলৱে আৰক্ষীয়ে আটক কৰিবলৈ সক্ষম হয়।
ধৃত লোকজনৰ নাম ৰূপম মিয়া (১৯)। যুৱকজনৰ ঘৰ পশ্চিম ত্ৰিপুৰাৰ খৈৰাবাৰী গাঁৱত বুলি জানিব পৰা গৈছে।
পুৱা প্ৰায় ৭.৪০ বজাত ৰেইলৱে আৰক্ষীয়ে চলোৱা নিয়মীয়া তালাচিৰ সময়ত ৩ নম্বৰ প্লেটফৰ্মৰ পৰা ৩০ কেজি গাঞ্জাসহ যুৱকজনক আটক কৰে।
যুৱকজনে এই বৃহৎ পৰিমাণৰ গাঞ্জাখিনি ত্ৰিপুৰালৈ সৰবৰাহ কৰাৰ কথা আছিল বুলি আৰক্ষীয়ে সন্দেহ প্ৰকাশ কৰিছে।
ত্ৰিপুৰা অভিমুখী ট্ৰেইনলৈ অপেক্ষা কৰি থকা অৱস্থাতে ৰেইলৱে আৰক্ষীয়ে যুৱকজনক গাঞ্জাসহ আটক কৰে।
ইফালে ৰেইলৱে আৰক্ষীয়ে নিজাববীয়াকৈ এক গোচৰ ৰুজু কৰি তদন্ত অব্যাহত ৰাখিছে বুলিও জানিবলৈ দিয়ে।
উল্লেখ্য যে ৰেইলৱে আৰক্ষীৰ সতৰ্কতাৰ বাবেই এনেদৰে ষ্টেশ্যনৰ পৰা বৃহৎ পৰিমাণৰ গাঞ্জাৰ লগতে নিচাজাতীয় দ্ৰব্য জব্দ কৰিবলৈ সক্ষম হৈছে।