প্ৰচণ্ড শীত প্ৰৱাহে জোকাৰি গৈছে সমগ্ৰ উত্তৰ ভাৰতক।
আগন্তুক কেইটামান দিনত উত্তৰ ভাৰতৰ ৰাজ্য সমূহত শীত প্ৰৱাহৰ মাত্ৰা আৰু অধিক বৃদ্ধি পাব বুলি কেন্দ্ৰীয় বতৰ বিজ্ঞান কেন্দ্ৰই প্ৰকাশ কৰিছে।
অসমকে ধৰি উত্তৰ পূৰ্বাঞ্চলৰ ৰাজ্য সমূহতো শীত প্ৰৱাহৰ মাত্ৰ আহি থকা কেইটামান দিনত বৃদ্ধি পোৱাৰ সম্ভাৱনা আছে।
ইপিনে দেশৰ ৰাজধানী চহৰ নতুন দিল্লীত ভূতৰ ওপৰত দানহ পৰা দি আজি পুৱাৰে পৰা আৰম্ভ হৈছে ধাৰাসাৰ বৰষুণ।শীতে কাবু কৰা দিল্লীত আৱতৰীয়া বৰষুণে মানুহৰ জীৱন যাত্ৰা দুৰ্বিসহ কৰি তুলিছে।
বিগত কিছুদিন ধৰি নতুন দিল্লীত শীত প্ৰবাহে ভয়াৱহ ৰূপ ধাৰণ কৰিছে।
দিল্লী, হাৰিয়ানা, উত্তৰ প্ৰদেশ,বিহাৰ আদি ৰাজ্য সমূহত এতিয়াৰে পৰা শীতে অধিক সংহাৰ চলাব বুলি কেন্দ্ৰীয় বতৰ বিজ্ঞান কেন্দ্ৰ সূত্ৰই প্ৰকাশ কৰিছে।
বতৰ বিজ্ঞান কেন্দ্ৰই দিয়া তথ্য অনুসৰি অসম তথা উত্তৰ পূৰ্বাঞ্চলতো এই কেইদিনত শীতৰ পৰিমাণ বৃদ্ধি পাব।
অসমকে ধৰি উত্তৰ পূৰ্বাঞ্চলৰ বতৰ আহি থকা কেইটামান দিনত শুকান হৈ থাকিব আৰু কুঁৱলীয়ে সংহাৰৰ সৃষ্টি কৰিব বুলি জানিব পৰা গৈছে।
ইপিনে শীত প্ৰবাহ বৃদ্ধি পোৱাৰ সমান্তৰাল ভাবে দেশৰ বিভিন্ন প্ৰান্তত ফ্লু জাতীয় ৰোগে মূৰ দাঙি উঠিছে। ক’ৰ’ণাতংকৰ সময়তে এনে ফ্লু জাতীয় ৰোগৰ প্ৰাদুৰ্ভাৱে সকলোকে শংকিত কৰি তোলা পৰিলক্ষিত হৈছে।
