চলিত বৰ্ষত বান আৰু ভূমিস্খলনে বিধ্বস্ত কৰা অসমলৈ কেন্দ্ৰীয় চৰকাৰে ৰাজ্যিক দুৰ্যোগ প্ৰশমন পুঁজিৰ অধীনত ২৫০ কোটি টকা মুকলি কৰি দিছে।
উল্লেখযোগ্য যে এই ধনৰাশি অসমে চলিত বিত্তীয় বৰ্ষতে লাভ কৰিব আৰু ইয়াৰ বাবে বিত্ত বিভাগক যাৱতীয় নিৰ্দেশনা জাৰি কৰিছে ৰাষ্ট্ৰীয় দুৰ্যোগ প্ৰশমন বিভাগৰ মুৰব্বী পৱন কুমাৰে। ইপিনে অসমলৈ ৰাষ্ট্ৰীয় দুৰ্যোগ প্ৰশমন পুঁজিৰ ২৫০ কোটি টকা মোকলাই দিয়াত সন্তোষ প্ৰকাশ কৰিছে অসমৰ মুখ্যমন্ত্ৰী হিমন্ত বিশ্ব শৰ্মাই।
We are extremely grateful to Adarniya PM Shri @narendramodi Ji and Adarniya HM Shri @AmitShah Ji for release of Rs 250 cr from National Disaster Response Fund to help Assam work on rehabilitation & restoration of the damages caused due to massive floods & landslides this year. pic.twitter.com/oQrtYamBnH
— Himanta Biswa Sarma (@himantabiswa) September 16, 2022
টুইটাৰত মুখ্যমন্ত্ৰীয়ে কয়-আমি আদৰণীয় প্ৰধানমন্ত্ৰী আৰু আদৰণীয় গৃহমন্ত্ৰীৰ ওচৰত অত্যন্ত কৃতজ্ঞ যে এই বছৰ বৃহৎ বানপানী আৰু ভূমিস্খলনৰ ফলত হোৱা ক্ষতি পূৰণৰ বাবে অসমক সহায় কৰিবলৈ ৰাষ্ট্ৰীয় দুৰ্যোগ সঁহাৰি পুঁজিৰ পৰা ২৫০ কোটি টকা মুকলি কৰি দিছে।
উল্লেখ কৰা মতে বৰ্তমান দুৰ্যোগ ব্যৱস্থাপনাৰ ক্ষেত্ৰত ভাৰত বিশ্বৰ শীৰ্ষস্থানত আছে। কেন্দ্ৰীয় গৃহ মন্ত্ৰালয়, ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণআৰু ৰাষ্ট্ৰীয় দুৰ্যোগ সঁহাৰি বাহিনীয়ে বিভিন্ন প্ৰাকৃতিক দুৰ্যোগৰ সময়ত ৰাজ্যসমূহক সহায় কৰি আহিছে।
