অথলে গ’ল ৰিয়ান পৰাগৰ দৰ্শনীয় প্ৰদৰ্শন! দেওধৰ ট্ৰফীত ইষ্ট জ’নক পৰাস্ত কৰি চেম্পিয়ন ছাউথ জ’ন

দেওধৰ ট্ৰফী এদিনীয়া প্ৰতিযোগিতাত চেম্পিয়ন হ’ল দক্ষিণ মণ্ডল। প্ৰতিযোগিতাখনত অপৰাজিত চেম্পিয়ন মায়ংক আগৰৱালৰ টীম। টছত জয়ী হৈ বৃহস্পতিবাৰে মায়াংকে বেটিং কৰাৰ সিদ্ধান্ত লয়। ৰোহন কুন্নামল আৰু মায়ংকে বিধ্বংসী বেটিং কৰে। শেষত তেওঁলোকে ইষ্ট জ’নক ৩২৯ ৰানৰ বিশাল লক্ষ্য নিৰ্দ্ধাৰণ কৰি দিয়ে। ইষ্ট জ’নে তীব্ৰ যুঁজ আগবঢ়ায়। কিন্তু খিতাপ জয় কৰা নহ’ল যদিও ৰিয়ান পৰাগৰ নাম অৱশ্যে ল’বই লাগিব।

ইমান বিশাল লক্ষ্য অনুসৰণ কৰিবলৈ ইষ্ট জ’নক ভাল আৰম্ভণিৰ প্ৰয়োজন আছিল। হাই ভল্টেজ মেচখনত অভিমন্যু ঈশ্বৰণৰ প্ৰদৰ্শনে পুনৰ চিন্তা উদ্ৰেক কৰে। বংগৰ হৈ ৰঞ্জী ট্ৰফীৰ ফাইনেলতো দৃষ্টি আকৰ্ষণ কৰিব নোৱাৰিলে। কিন্তু যোৱা ৰঞ্জী ছিজনত তেওঁ বাকী মেচবোৰত সুন্দৰ প্ৰদৰ্শন আগবঢ়াইছিল।

এইবাৰ দেওধৰ ট্ৰফীতো ভাল প্ৰদৰ্শন আগবঢ়ায়। এটা শতকো কৰে। কিন্তু ফাইনেলত ৩টা বলত ১ ৰান সংগ্ৰহ কৰিয়েই তেওঁৰ ইনিংছ শেষ হয়। আন এজন অ’পেনাৰ হৈছে উৎকৰ্ষ সিং। তিনি নম্বৰত নমা বিৰাট সিংও তেওঁলোকৰ পথেৰেই পেভলিয়নলৈ উভতিল।

ইষ্ট জ’নৰ ইনিংছত আত্মবিশ্বাস প্ৰদান কৰে সুদীপ ঘৰামীয়ে। অধিনায়ক সৌৰভ তিৱাৰীয়ে ছেট হোৱাৰ পিছতো ডাঙৰ ইনিংছ খেলিব নোৱাৰিলে। সৌৰভে ২৮ ৰান সংগ্ৰহ কৰি উভতি আহে। সুদীপ ঘৰমীয়ে ৪১ ৰানৰ বৰঙণি আগবঢ়ায়।

অৱশ্যে ৰিয়ান পৰাগ আৰু কুমাৰ কুশগ্ৰাই ইষ্ট জ’নক জয়ৰ প্ৰত্যাশা দেখুৱায়। গ্ৰুপ পৰ্যায়ত ৰিয়ান পৰাগে দুটা বিধ্বংসী শতক অৰ্জন কৰিছিল। চেম্পিয়ন হ’বলৈ এনে এটা ইনিংছৰে প্ৰয়োজন আছিল। তেওঁ আৰু কুশগ্ৰাই যৎপৰোনাস্তি চেষ্টা চলালে। কিন্তু প্ৰায় সফল হৈও অলপৰ বাবে বিজয়ৰ দৌৰত ৰৈ গ’ল।

𝗧𝗵𝗮𝘁 𝗪𝗶𝗻𝗻𝗶𝗻𝗴 𝗙𝗲𝗲𝗹𝗶𝗻𝗴!

South Zone Captain @mayankcricket receives the prestigious #DeodharTrophy 🏆 from Mr. Devajit Saikia, Joint Secretary, BCCI 👏👏 #SZvEZ | #Final pic.twitter.com/57beWkFTzM

— BCCI Domestic (@BCCIdomestic) August 3, 2023

ইষ্ট জ’নৰ উইকেটকীপাৰ বেটছমেন কুশাগ্ৰই ৫৮টা বলত ৬৮ ৰান সংগ্ৰহ কৰি আউট হয়। ৰিয়ান পৰাগে মাত্ৰ ৬৫টা বলত ৮ টা বাউণ্ডেৰী আৰু ৫ টা অভাৰ বাউণ্ডেৰীৰে ৯৫ ৰান সংগ্ৰহ কৰে। তেওঁ ক্ৰীজত থকা হ’লে মেচখন অধিক ওচৰ চাপিলহেঁতেন। শেষত ইষ্ট জ’নে ২৮৩ ৰান সংগ্ৰহ কৰি অল আউট হয়। ছাউথ জ’নে ৪৫ ৰাণত বিজয় সাৱ্যস্ত কৰি চেম্পিয়নৰ খিতাপ লাভ কৰে।