ভাৰতীয় বতৰ বিজ্ঞান বিভাগৰ গুৱাহাটীস্থ আঞ্চলিক বতৰ-বিজ্ঞান কেন্দ্ৰই জনোৱা মতে অহা ২৪ ঘণ্টাত সমগ্ৰ উত্তৰ-পূৰ্বাঞ্চলীয় ৰাজ্যসমূহত চেগাচেৰেকাকৈ বৰষুণ অহাৰ লগতে নাগালেণ্ডৰ ঠায়ে ঠায়ে দুই এটাক ধাৰাসাৰ বৰষুণ অহাৰ সম্ভৱনা আছে। বিগত ২৪ঘণ্টাত ৰাজ্যসমূহত বতৰ বাৰিষাকালীনভাৱে স্বাভাৱিক আছিল বুলি বতৰ বিজ্ঞান কেন্দ্ৰই ৭ ছেপ্টেম্বৰৰ এটা সংবাদ বিজ্ঞপ্তিযোগে জনাইছে।
৭ ছেপ্টেম্বৰত ঠায়ে ঠায়ে ধাৰাসাৰ বৰষুণ হোৱাৰ লগে লগে অহা ৪-৫ দিনত অতি বেছি বৰষণৰ লগতে অহা ১০ ছেপ্টেম্বৰত অৰুণাচল প্ৰদেশত অত্যাধিক ধাৰাসাৰ বৰষুণ পৰাৰ সম্ভাৱনা আছে বুলি আঞ্চলিক বতৰ বিজ্ঞান কেন্দ্ৰই জনাইছে।
একেদৰে অসম আৰু মেঘালয়ৰ বতৰৰো অনুৰূপ আগজাননী দিছে বতৰ বিজ্ঞান কেন্দ্ৰটোৱে।
৮-১০ ছেপ্টেম্বৰত নাগালেণ্ডৰ ঠায়ে ঠায়ে ধাৰাসাৰ বৰষুণ হোৱাৰ লগতে তাৰ পাছত হ্ৰাস পোৱাৰ আগজাননী দিছে বতৰ বিজ্ঞান কেন্দ্ৰটোৱে। শনিবাৰৰ পৰা সোমবাৰলৈ মণিপুৰত ৰবিবাৰে মিজোৰাম আৰু ত্ৰিপুৰাৰ ঠায়ে ঠায়ে ধাৰাসাৰ বৃষ্টি হোৱাৰ অগজাননী দিয়া হৈছে।
সাম্প্ৰতিক বতৰ বিজ্ঞান বিশ্লেষণ আৰু সাংখ্যিক আদৰ্শ নিৰ্দেশনাই অহা ২ দিনৰ পৰা (৮ ছেপ্টেম্বৰৰ পৰা)আগলৈকে বৃষ্টিপাতৰ স্থানিক বিস্তৃতি আৰু প্ৰাৱল্য বাঢ়ি যোৱাৰ প্ৰৱণতা দেখুৱাইছে অহা ৪-৫ দিনত সমগ্ৰ অঞ্চল জুৰি বৃষ্টিপাতৰ আগজাননী দিছে বতৰ বিজ্ঞান কেন্দ্ৰটোৱে।
