আমিনগাঁৱত শোকাৱহ পথ দুৰ্ঘটনা; বাইক আৰোহীৰ মৃত্যু

উত্তৰ গুৱাহাটীৰ আমিনগাঁৱত আজি সংঘটিত এক শোকাৱহ পথ দুৰ্ঘটনাত এজন লোকে প্ৰাণ হেৰোৱাৰ লগতে আন এজন গুৰুতৰভাৱে আহত হয়। নিহত লোকজনক হাজোৰ দামপুৰৰ বাসিন্দা পুতুল আলী বুলি চিনাক্ত কৰা হৈছে।

প্ৰাপ্ত তথ্য মতে আমিনগাঁৱৰ জয়গুৰুস্থিত বাফনা হস্পিতালৰ সন্মুখত এখন দ্ৰুতবেগী আলট্ৰা বাছে এ এছ- ০১- বি এন- ০৭৬২ নম্বৰৰ এখন পালছাৰ বাইকত খুন্দা মৰাৰ ফলতে উক্ত পথ দুৰ্ঘটনাটো সংঘটিত হয়। যাৰ ফলত বাইক আৰোহী পুতুল আলী থিতাতে নিহত হোৱাৰ লগতে তেওঁৰ সৈতে অহা মোজাপৰ শইকীয়া নামৰ লোকজন গুৰুতৰভাৱে আঘাতপ্ৰাপ্ত হয়।

অৱশ্যে ঘটনাস্থলীত উপস্থিত থকা স্থানীয় ৰাইজৰ সহযোগত তেওঁক ততাতৈয়াকৈ চিকিৎসালয়ত ভৰ্তি কৰোৱা হয়।