যুদ্ধংদেহি! বাল্টিক সাগৰত আমেৰিকা যুক্তৰাষ্ট্ৰৰ বোমাৰু বিমান দেখি ৰাছিয়াৰো প্ৰেৰণ যুদ্ধবিমান

আমেৰিকা যুক্তৰাষ্ট্ৰৰ দুখন কৌশলগত বোমাৰু বিমান ৰাছিয়াৰ সীমান্তৰ ফালে উৰা মাৰিছিল। এই ঘটনাত ৰাছিয়াই এখন  এছ ইউ-৩৫ যুঁজাৰু বিমান আকাশত উৰুৱায়।

ৰাছিয়াৰ প্ৰতিৰক্ষা মন্ত্ৰালয়ে এই তথ্য সদৰী কৰি জনাইছে যে ইয়াৰ যুঁজাৰু বিমানখন ঘাটিলৈ ঘূৰি আহিছে। কিয়নো তেতিয়ালৈ আমেৰিকাৰ বোমাৰু বিমান ৰাছিয়াৰ সীমান্তৰ পৰা গুচি গৈছিল।

যোৱা সপ্তাহত, আমেৰিকা যুক্তৰাষ্ট্ৰৰ এটা নিৰীক্ষণ ড্ৰোনে কৃষ্ণ সাগৰত ৰাছিয়াৰ যুদ্ধবিমানৰ সৈতে সংঘৰ্ষ ঘটিছিল। ৰাছিয়াৰ যুদ্ধবিমানৰ খুন্দাত আমেৰিকা যুক্তৰাষ্ট্ৰৰ ড্ৰোনখন ভাঙি পৰিছিল। সেই ঘটনাটোক লৈ উত্তেজনা শাম কটাৰ আগতে পুনৰ নতুন ঘটনাটো সংঘটিত হৈছে ।

লগতে পঢ়ক: ব্ৰিটেইনৰ পিছত এইবাৰ আমেৰিকা! ছান ফ্ৰান্সিস্কোত থকা ভাৰতীয় দূতাবাসত তাণ্ডৱ খালিস্তানী পন্থীৰ

ৰাছিয়াৰ চৰকাৰী সংবাদ মাধ্যম তাছ-য়ে দেশখনৰ প্ৰতিৰক্ষা মন্ত্ৰালয়ৰ ৰাষ্ট্ৰীয় প্ৰতিৰক্ষা নিয়ন্ত্ৰণ কেন্দ্ৰৰ উদ্ধৃতি দি কয় যে তেওঁলোকৰ সীমান্তৰ ফালে উৰা মাৰি থকা দুখন আমেৰিকা যুক্তৰাষ্ট্ৰৰ বিমানক বি-৫২এইচ বুলি চিনাক্ত কৰা হৈছে। আমেৰিকা যুক্তৰাষ্ট্ৰৰ বিমানখন ৰাডাৰত ধৰা পৰাৰ পিছতে এছ ইউ-৩৫ যুঁজাৰু বিমানখন উৰুৱাই নিয়া হৈছিল।

⚡️@mod_russia: 🇷🇺 air defence radars detected 2 aerial targets flying in the direction of 🇷🇺 state border over the Baltic Sea.

❗️The targets were classified as 2 🇺🇸 Air Force B-52H strategic bombers.

A Su-35 fighter jet scrambled to prevent a violation of 🇷🇺 state border. pic.twitter.com/3u9IRFC5iK

— Russian Embassy in USA 🇷🇺 (@RusEmbUSA) March 20, 2023

ৰাছিয়াৰ প্ৰতিৰক্ষা মন্ত্ৰালয়ে কয় যে ৰাছিয়াৰ সীমান্তৰ কোনো উলংঘনৰ অনুমতি দিয়া হোৱা নাই। আমেৰিকা যুক্তৰাষ্ট্ৰই এতিয়ালৈকে ঘটনাটোৰ ওপৰত কোনো মন্তব্য কৰা নাই।