Salman Khan Bitten by Snake সৰ্প দংশনত অসুস্থ হৈ হাস্পাতালত ভৰ্তি হ’বলগীয়া হয় বলীউদ তাৰকা চলমান খান। শনিবাৰে বৰদিনৰ ছুটীত পনভেলত ফাৰ্মহাউছত থকাৰ সময়ত মাজনিশা সৰ্প দংশনৰ চিকাৰ হয় অভিনেতাগৰাকী। ততাতয়াকৈ চলমান খানক হাস্পাতালত ভৰ্তি কৰা হয়।
অভিনেতাগৰাকীক নবী মুম্বাইৰ কামোথ অঞ্চলত থকা এখন বেচৰকাৰী হাস্পাতালত ভৰ্তি কৰা হয় চলমানক। অৱশ্যে সাপটো বিষাক্ত নাছিল বুলি জানিব পৰা গৈছে।
হাস্পাতালত প্ৰাথমিক চিকিৎসাৰ পাছত যাবলৈ দিয়া হয় অভিনেতাগৰাকীক। বৰ্তমান তেওঁ ঘৰতে জিৰণি লৈছে।
Also Read: বিশ্বৰ ১০৮ খন দেশত অ’মিক্ৰণৰ আতংক! ফ্ৰান্সত কৰ’নাত দৈনিক আক্ৰান্তৰ সংখ্যা ১লাখ অতিক্ৰম
বাতৰি অনুসৰি, ফাৰ্মহাউছৰ সন্মুখত থকা বাগানখনতে সাপটো আছিল বুলি অনুমান কৰা হৈছে। ঘটনাৰ সময়ত চলমানে বন্ধুবৰ্গৰ সৈতে বাগানৰ কাষতে বহি কথা পাতি আছিল। হঠাতে সাপটোৱে চলমানক কামুৰি দিয়ে।
চলমানৰ বন্ধুসকলে ততাতয়াকৈ চলমানক হাস্পাতাললৈ লৈ যায়। হাস্পাতালত চিকিৎসকে সাপটো বিষাক্ত নহয় বুলি নিশ্চিত হ’লেও নিশাটো হাস্পাতালতে ৰাখি ভালদৰে পৰ্যবেক্ষণ কৰে।
Also Read:Under 19 Asia Cup: শ্বাসৰুদ্ধকৰ মেচত ভাৰতক ২ উইকেটত পৰাস্ত কৰিলে পাকিস্তানে
পুৱা ৮বজাত চলমান খানক হাস্পাতালৰ পৰা যাবলৈ দিয়া হয়। তাৰ পাছতেই অভিনেতাগৰাকী পুনৰ তেওঁৰ ফাৰ্মহাউছলৈ উভতি যায়।
সোমবাৰে চলমান খানৰ জন্মদিনৰ পূৰ্বে কোনো বিপত্তি নঘটাত অনুৰাগীসকলে স্বস্তিৰ নিশ্বাস এৰিছে।
