‘যোৱা দুবছৰত মই যি সহ্য কৰিলোঁ…’, নাগাৰ সৈতে বিচ্ছেদক লৈ মুখ খুলিলে সামন্থাই

দক্ষিণৰ তাৰকা সামান্থা ৰুথ প্ৰভুক কেন্দ্ৰ কৰি চৰ্চাৰ অন্ত নাই! শেহতীয়াকৈ তেওঁৰ মানসিক অৱস্থাক লৈ অনুৰাগীসকল চিন্তিত। ‘পুষ্পা’ৰ পিছত তেওঁৰ কেৰিয়াৰে বিপুল সফলতা লাভ কৰিছিল যদিও ব্যক্তিগত জীৱনত অন্ধকাৰ নামি আহিছিল। কিয়নো সেই বছৰতে সামান্থাৰ বিবাহ বিচ্ছেদ হৈছিল।

নাগা চৈতন্যৰ লগত চাৰি বছৰ ধৰি বিবাহপাশত আবদ্ধ হৈ থকাৰ পূৰ্বে বহুদিন লিভ ইন সম্পৰ্কত আছিল। কিন্তু ২০১৭ চনত বিবাহৰ পিছত জটিলতা বাঢ়িবলৈ ধৰিলে। অৱশেষত দুয়োপক্ষই বিয়া ভাঙিবলৈ সিদ্ধান্ত ল’লে।

অৱশ্যে বিবাহ বিচ্ছেদে সামান্থাক বহুত কষ্ট দিছে বুলি অভিনেত্ৰীগৰাকীয়ে বাৰ্তালাপত বুজাই দিছে। অৱশ্যে ৰাজহুৱাভাৱে কোনো মন্তব্য কৰা নাছিল। এইবাৰ অভিনেত্ৰীগৰাকীয়ে বিবাহ বিচ্ছেদৰ পিছত দুবছৰ ধৰি যি কষ্টৰ মাজেৰে পাৰ হৈছিল, সেই দুখৰ ওপৰত আলোকপাত কৰিছে।

বিবাহ বিচ্ছেদৰ পিছত অভিনেত্ৰীগৰাকীৰ মাইঅ’চাইটিছ ৰোগ ধৰা পৰে। ই এনে এক ৰোগ য’ত আক্ৰান্ত পেশীবোৰ যন্ত্ৰণাবিদ্ধ হ’বলৈ আৰম্ভ কৰে। সেই সময়ত অভিনেত্ৰীগৰাকীয়ে অসহ্যকৰ যন্ত্ৰণাত ভুগিছিল। কিন্তু সামান্থাই সেই যুঁজত জিকি আহিল।

শেহতীয়াকৈ অভিনেত্ৰীগৰাকীয়ে নিজৰ জীৱনৰ বেদনাদায়ক দুটা বছৰৰ বিষয়ে মুকলিকৈ কৈছে। সামান্থাৰ ভাষাত, “যেতিয়া কঠিন সময় আহিছিল, তেতিয়া মোৰ বিবাহ বিচ্ছেদ হৈছিল, মোৰ কেৰিয়াৰ আৰু ব্যক্তিগত জীৱনত একেলগে প্ৰভাৱ পৰিছিল। এই দুবছৰত কিমান কষ্ট সহ্য কৰিছো কোনেও সঠিককৈ নাজানে। এই সময়ছোৱাত গুৰুতৰ বেমাৰৰ পৰা উভতি অহা অভিনেতাসকলৰ কথা পঢ়িছিলোঁ। সেই কাহিনীবোৰে মোক সেই সময়ত অনুপ্ৰাণিত কৰিছিল।”

এই মুহূৰ্তত নাগা আৰু সামান্থাই নিজৰ মতে জীৱন কটোৱাৰ ব্যৱস্থা কৰিছে। সামান্থাই বেছিভাগ সময় দেশৰ বাহিৰত কটায়। আনহাতে, অভিনেত্ৰী শোবিতা ধুলিপালাৰ সৈতে নতুন সম্পৰ্ক গঢ়ি উঠিছে অভিনেত্ৰীগৰাকীৰ প্ৰাক্তন স্বামীৰ। যদিও এই সন্দৰ্ভত এতিয়ালৈকে নাগাই কোনো মন্তব্য কৰা নাই।