চলিত বৰ্ষৰ আৰম্ভণিতে ৰাজ্য জোকাৰি যোৱা চাঞ্চল্যকৰ গুৱাহাটীৰ ডাবল মাৰ্ডাৰ গোচৰৰ প্ৰধান অভিযুক্ত বন্দনা কলিতাৰ জামিন মঞ্জুৰ কৰা হৈছে।
কামৰূপ-মেট্ৰ’ জিলা আৰু সত্ৰ ন্যায়াধীশৰ আদালতে বৃহস্পতিবাৰে (০৯ নৱেম্বৰ) বন্দনা কলিতাৰ জামিন মঞ্জুৰ কৰে।
বাতৰি অনুসৰি, বন্দনা কলিতাই সপ্তাহত দুদিন গুৱাহাটী মহানগৰীৰ নূনমাটি থানাত হাজিৰ হ’ব লাগিব। তদুপৰি, আদালতৰ অনুমতি অবিহনে তেওঁ নিজৰ গৃহ জিলা এৰি যাব নোৱাৰিব।
লগতে পঢ়কঃ উচ্চ ন্যায়ালয়সমূহক জনপ্ৰতিনিধিৰ বিৰুদ্ধে থকা গোচৰ দ্ৰুত নিষ্পত্তি কৰাৰ নিৰ্দেশ উচ্চতম ন্যায়ালয়ৰ
প্ৰধান অভিযুক্ত বন্দনা কলিতাই স্বামী আৰু শাহুৱেকক হত্যা কৰাৰ পিছত দেহ টুকুৰা টুকুৰ কৰি শৰীৰৰ অংগসমূহ ফ্ৰীজত ভৰাই ৰখাৰ অভিযোগ উঠিছিল।
হত্যাকাণ্ডৰ তিনিদিন পিছত অভিযুক্তই মেঘালয়ৰ ছোহৰা (চেৰাপুঞ্জী)ত নিহতসকলৰ মৃতদেহ পেলাই দিয়ে।
এই গোচৰৰ প্ৰধান অভিযুক্ত বন্দনা কলিতাই প্ৰেমিক আৰু আন এজন বন্ধুৰ সৈতে হত্যাকাণ্ড সংঘটিত কৰাৰ অভিযোগ উত্থাপন হৈছিল।
লগতে পঢ়কঃ ICC World Cup 2023: পাকিস্তানৰ আশাত চেঁচা পানী ঢালি বিশ্বকাপৰ শীৰ্ষ চাৰিত নিউজিলেণ্ড
তেওঁলোকৰ লগ হৈ স্বামী অমৰজ্যোতি দে আৰু শাহুৱেক শংকৰী দেক নৃশংসভাৱে হত্যা কৰাৰ অভিযোগ উত্থাপন হৈছিল।
উল্লেখ্য যে এই গোচৰৰ বলি মাতৃ-পুত্ৰদ্বয়ক যোৱা বছৰৰ আগষ্ট মাহৰ পৰা নিৰুদ্দেশ হোৱাৰ খবৰ পোৱা গৈছিল।
এই হত্যাকাণ্ড সংঘটিত হোৱাৰ সাত মাহৰ পাছত ১৯ ফেব্ৰুৱাৰীত মহিলাগৰাকীয়ে মাতৃ-পুত্ৰদ্বয়ক হত্যা কৰাৰ ঘটনা পোহৰলৈ আহে। গুৱাহাটী মহানগৰীৰ নূনমাটি অঞ্চলত সংঘটিত হৈছিল এই ঘটনা।
অভিযুক্ত মহিলাগৰাকীয়ে আন এজন পুৰুষৰ সৈতে বিবাহ বহিৰ্ভূত সম্পৰ্কৰ বাবে এই হত্যাকাণ্ড সংঘটিত কৰা বুলি ধাৰণা কৰা হৈছে।
