বন্দৰ পৰিবহন মন্ত্ৰ্যালয়ৰ বিষয়াৰে মিলিত হ’ল নতুন কেন্দ্ৰীয় মন্ত্ৰী সৰ্বানন্দ সোণোৱাল
নতুনকৈ কেন্দ্ৰীয় কেবিনেট মন্ত্ৰী হিচাপে দায়িত্ব গ্ৰহণ কৰাৰ পাছত বৃহস্পতিবাৰে সৰ্বানন্দ সোণোৱালে বন্দৰ পৰিবহন মন্ত্ৰ্যালয়ৰ জ্যেষ্ঠ বিষয়াসকলৰ সৈতে মিলিত হয় আৰু ইয়াৰ কামকাজৰ পৰ্যালোচনা কৰে।
সৰ্বানন্দ সোণোৱালে টুইট কৰি কয়,’’ শ্বিপিঙ মন্ত্ৰ্যালয়ৰ জ্যেষ্ঠ বিষয়াসকলৰ সৈতে নতুন দিল্লীত এক প্ৰাথমিক বৈঠকত মন্ত্ৰ্যালয়ৰ এক সামগ্ৰিক পৰ্যবেক্ষণ কৰো।‘’
অসমৰ প্ৰাক্তন মুখ্যমন্ত্ৰী সৰ্বানন্দ সোণোৱালে বুধবাৰে প্ৰধানমন্ত্ৰী নৰেন্দ্ৰ মোদীৰ কেবিনেটত দ্বিতীয়বাৰৰ বাবে কেন্দ্ৰীয় মন্ত্ৰী হিচাপে শপত লয়।
Held a preliminary meeting with senior officials of the @shipmin_india in New Delhi and took an overview of the Ministry. pic.twitter.com/yBV5E0rO5P
— Sarbananda Sonowal (@sarbanandsonwal) July 8, 2021
প্ৰথমবাৰ মোদী মন্ত্ৰীসভাত ২০১৪ৰ পৰা ২০১৬লৈকে ক্ৰীড়া ৰাজ্যমন্ত্ৰী হিচাপে সেৱা আগবঢ়োৱা সৰ্বানন্দ সোণোৱালক এইবাৰ বন্দৰ, নৌপৰিবহন তথা আয়ুস মন্ত্ৰ্যালয়ৰ দায়িত্ব দিয়া হৈছে।
মন্ত্ৰিত্ব লাভ কৰাৰ পাছত সোণোৱালে টুইট কৰিছিল,’’মোক বন্দৰ, নৌপৰিবহন তথা আয়ুস মন্ত্ৰ্যালয়ৰ দায়িত্ব অৰ্পণ কৰি আস্থা ৰখাৰ বাবে মই মাননীয় প্ৰধানমন্ত্ৰী নৰেন্দ্ৰ মোদী ডাঙৰীয়ালৈ মোৰ কৃতজ্ঞতা জনাইছো। আপোনাৰ পৰামৰ্শৰে, মই ৰাষ্ট্ৰৰ প্ৰতি মোৰ সেৱা উৎসৰ্গা কৰিম।‘’