ছাত্ৰীক দুবছৰ ধৰি ধৰ্ষণ শিক্ষকৰ! মুখ খুলিলে গোটেই পৰিয়ালকে শেষ কৰি দিয়াৰ ভাবুকি
School teacher raping girl student for two years মহিলাৰ ওপৰত অত্যাচাৰৰ ক্ষেত্ৰত যোগীৰ ৰাজ্য উত্তৰ প্ৰদেশ সদায় বাতৰিৰ শিৰোনামলৈ আহিছে। প্ৰায় প্ৰতিদিনেই উত্তৰ প্ৰদেশত এনে কিছুমান নাৰকীয় ঘটনা সংঘটিত হয়। ৰাজ্যখনৰ গাজিয়াবাদৰ নন্দগ্ৰাম অঞ্চলৰ এখন ব্যক্তিগত বিদ্যালয়ত এগৰাকী শিক্ষকে একেৰাহে দুবছৰ ধৰি এগৰাকী স্কুলীয়া ছাত্ৰীক বলাৎকাৰ কৰাৰ অভিযোগ উত্থাপিত হৈছে।
কেৱল সেয়াই নহয়, শিক্ষকজনে এই বিষয়ে কাৰোবাক কিবা ক’বলৈ চেষ্টা কৰিলে গোটেই পৰিয়ালটোকে হত্যা কৰাৰ ভাবুকিও দিছিল। অভিযুক্ত শিক্ষকজন বৰ্তমান আৰক্ষীৰ জিম্মাত আছে।
লগতে পঢ়ক: মহিলাক চোকা অস্ত্ৰৰে আক্ৰমণ অচিনাক্ত দুৰ্বৃত্তৰ; মুৰ্মুষু অৱস্থাত চিকিৎসালয়লৈ প্ৰেৰণ
বাতৰি অনুসৰি, গাজিয়াবাদৰ এখন ব্যক্তিগত বিদ্যালয়ত ছোৱালীগৰাকীক তাইৰ শিক্ষকে দুবছৰ ধৰি ধৰ্ষণ কৰিছিল। তেওঁ আনকি ছাত্ৰীগৰাকীক ভাবুকি দিছিল যে যদি তেওঁ কাকো কিবা কয়, তেন্তে তেওঁ ছাত্ৰীগৰাকীৰ পৰিয়ালৰ সকলো সদস্যক হত্যা কৰিব। শিক্ষকজনৰ ভাবুকিৰ ভয়ত নৱম শ্ৰেণীৰ ছাত্ৰীগৰাকীক দুবছৰ ধৰি এই ঘটনাৰ ভুক্তভোগী হৈ থাকিল।
ছাত্ৰীগৰাকী বৰ্তমান একাদশ শ্ৰেণীত পঢ়ি আছে। আৰক্ষীয়ে জনোৱা অনুসৰি, শিক্ষকজনে ছাত্ৰীগৰাকীক ভাবুকি দিছিল। ছাত্ৰীগৰাকীয়ে নিজৰ লগতে তাইৰ ভায়েক আৰু গোটেই পৰিয়ালক হত্যাৰ ভাবুকি শুনিব লগা হৈছিল। অভিযুক্ত শিক্ষকজনে ছাত্ৰীগৰাকীক বিভিন্ন হোটেল আৰু গাড়ীত তুলি লৈ জঘন্য কাৰ্য্য সংঘটিত কৰিছিল।
অভিযোগ কৰা হৈছে যে শিক্ষকজনে ছাত্ৰীগৰাকীৰ আপত্তিজনক ছবি আৰু ভিডিঅ’ প্ৰস্তুত কৰিছিল। ইয়াৰ বাবে ছাত্ৰীগৰাকীয়ে বৰ ভয় খাইছিল। কিন্তু যেতিয়া শ্ৰদ্ধা হত্যাকাণ্ডৰ গোচৰটো পোহৰলৈ আহে আৰু অভিযুক্তক আৰক্ষীয়ে ধৰা পেলায়, তেতিয়াই তাই এই বাতৰিত সাহস পাই সকলো কথা ৰাজহুৱা কৰে।