অসম প্ৰদেশ কংগ্ৰেছৰ সাধাৰণ সম্পাদক, মুখপাত্ৰ মুকুল শৰ্মাৰ মৃত্যু
অসম প্রদেশ কংগ্ৰেছৰ মুখপাত্ৰ মুকুল শৰ্মাৰ আজি দেহাৱসান ঘটে। আজি দিনৰ প্ৰায় ১১ বজাত জ্যেষ্ঠ ৰাজনীতিবিদ গৰাকীয়ে শেষ নিশ্বাস ত্যাগ কৰে।
যকৃতজনিত ৰোগত আক্ৰান্ত হৈ দীৰ্ঘদিন ধৰি গুৱাহাটীৰে চিটি হস্পিতালত চিকিৎসাধীন হৈ আছিল মুকুল শৰ্মা।
৫১ বছৰীয়া মুকুল শৰ্মাই মৃত্যুৰ সময়ত পত্নী আৰু এজন পুত্ৰক এই সংসাৰত এৰি থৈ যায়।
উল্লেখ্য যে ছাত্ৰ অৱস্থাৰ পৰাই ৰাজনীতিৰ সৈতে জড়িত হৈ পৰা শৰ্মা এগৰাকী সুবক্তাও আছিল।
প্ৰয়াত শৰ্মা কটন কলেজিয়েট আৰু কটন মহাবিদ্যালয়ৰ দৰে আগশাৰীৰ শিক্ষা প্ৰতিষ্ঠানৰ ছাত্ৰ একতা সভাৰ সাধাৰণ সম্পাদকো আছিল।
৯০ দশকত কংগ্ৰেছ দলত যোগ দিয়া শৰ্মাই পৰৱৰ্তী সময়ত দলৰ মুখপাত্ৰৰ লগতে সাধাৰণ সম্পাদকৰ দৰে গুৰু দায়িত্বও বহন কৰিছিল।
ৰাজনীতিবিদৰ উপৰি অধিবক্তা হিচাপেও পৰিচিত মুকুল শৰ্মাৰ বিয়োগত প্ৰাক্তন মুখ্য মন্ত্ৰী তৰুণ গগৈ, কংগ্ৰেছ দলৰ সভাপতি ৰিপুন বৰাৰ লগতে আন বহু লোকে শোক প্ৰকাশ কৰিছে।