Sex racket busted: ডিব্ৰুগড়ত অসম আৰক্ষীয়ে তিনিটা বিভিন্ন স্থানত তালাচী চলাই এটা দেহ ব্যৱসায় চক্ৰ উৎখাত কৰে।
এই ঘটনাৰ সৈতে জড়িত চাৰিজন ব্যক্তিক আৰক্ষীয়ে গ্ৰেপ্তাৰ কৰিছে।
আৰক্ষীয়ে গ্ৰেপ্তাৰ কৰা ব্যক্তিকেইজন হৈছে বাবু আলী, হেমন্ত গগৈ, নাজিম আহমেদ আৰু ফৰিদা বেগম।
আৰক্ষীয়ে তালাচীৰ সময়ত চাৰিজনী ছোৱালীকো উদ্ধাৰ কৰে।
‘’আমি যৌন ব্যৱসায় চক্ৰটোৰ সম্ভেদ পোৱাৰ পাছত গান্ধীনগৰ, আলোকপথ আৰু নালিপুল এলেকাত তালাচী চলাও আৰু চাৰিজনী ছোৱালীক উদ্ধাৰ কৰো,’’-ডিব্ৰুগড়ৰ আৰক্ষী অধীক্ষক শ্বেতাংক মিশ্ৰই এইদৰে কয়।
তেওঁ লগতে কয়, ‘’ফৰিদা আহমেদ হৈছে নাজিম আহমেদৰ মাতৃ আৰু দুয়োজনে বহুবছৰ ধৰি তেওঁলোকৰ ভাড়াঘৰত অবৈধ দেহ ব্যৱসায় চলাই আহিছে।‘’
Also read: ধুবুৰীত ভুৱা প্ৰমানপত্ৰ প্ৰস্তুত কৰা জালিয়াতি চক্ৰ উৎখাত, দুজনক গ্ৰেপ্তাৰ
ডিব্ৰুগড় আৰক্ষী অধীক্ষকগৰাকীয়ে লগতে কয় যে জিলাখনত অবৈধ দেহ ব্যৱসায়ৰ সৈতে জড়িত বহু চক্ৰই ব্যৱসায় চলাই আছে।
‘’এই চক্ৰসমূহৰ এজেন্টবোৰে কলেজীয়া যুৱতীসকলক লক্ষ্য কৰি লয় আৰু দেহ ব্যৱসায়ৰ প্ৰতি প্ৰলোভিত কৰি যৌনতাত লিপ্ত কৰায়,’’- আৰক্ষী অধীক্ষক শ্বেতাংক মিশ্ৰই কয়।
