Aryan Khan Gets Bail অৱশেষত আৰিয়ান খানে জামিন পালে। বোম্বে হাইকোৰ্টে বৃহস্পতিবাৰে বলীউদ তাৰকা শ্বাহৰুখ খানৰ পুত্ৰ আৰিয়ানৰ জামিন মঞ্জুৰ কৰে।
শ্বাহৰুখ খান আৰু গৌৰী খানৰ পুত্ৰ আৰিয়ান দীপাৱলিৰ পূৰ্বে ঘৰৰ ল’ৰা ঘৰলৈ ঘুৰি অহাৰ সম্ভাৱনা আছে।
আদালতে আৰিয়ানক আৰ্থাৰ ৰোডৰ জে’লৰ পৰা নিজ বাসগৃহ ‘মন্নত’লৈকে যোৱাৰ অনুমিত দিলে।
মঙলবাৰে আৰু বুধবাৰে আৰিয়ানৰ জামিন আবেদনৰ শুনানি অসমাপ্ত হৈ ৰোৱাৰ পাছত বৃহস্পতিবাৰে বোম্বে হাইকোৰ্টে ৰায় প্ৰদান কৰে।
যোৱা ২ অক্টোবৰত মুম্বাই পৰা গোৱা অভিমুখী বিলাসী জাহাজৰ পৰা আৰিয়ানক আটক কৰাৰ পাছত ৩ অক্টোবৰত এনচিবিয়ে আৰিয়ানক গ্ৰেপ্তাৰ কৰে।
Also Read: কিহৰ ফুটনি! মুকেশ আম্বানিয়ে গোটেই জীৱন যিমান কমালে সেয়া এবছৰতে কমালে এলন মাস্কে
ইয়াৰ পাছত দুবাৰকৈ আৰিয়ানৰ জামিন আবেদন নাকচ কৰা হৈছিল।
আনহাতে, ড্ৰাগছৰ গোচৰৰ তদন্তকাৰী বিষয়া সমীৰ ৱাংখেডেৰ ভূমিকাক লৈয়ো প্ৰশ্ন উত্থাপিত হৈছে। গোটৰৰ অনত্যম সাক্ষী প্ৰভাকৰ ছেইলে তেওঁৰ বিৰুদ্ধে উৎকোচৰ অভিযোগ তোলাৰ পাছতে গোচৰটো চৰ্চাৰ কেন্দ্ৰবিন্দু হৈ পৰে।
ইপিনে সমীৰ ৱাংখেড়েৰ বিৰুদ্ধেও তদন্ত আৰম্ভ কৰা হৈছে। আৰক্ষীয়ে এই গোচৰৰ আন এজন সাক্ষী কিৰন গোছাভিকো আটক কৰিছে। পুনে আৰক্ষীয়ে এই কথা নিশ্চিত কৰিছে।
