কেন্দ্ৰৰ কৃষি বিধেয়কৰ বিৰোধিতা: মন্ত্ৰীসভাৰ পাছত এইবাৰ NDAএৰিলে শিৰোমণি আকালি দলে
কেন্দ্ৰৰ বিতৰ্কিত কৃষি বিধেয়কৰ বিৰোধিতাৰে মন্ত্ৰীসভা ত্যাগ কৰাৰ পাছত এইবাৰ NDAএৰিলে শিৰোমণি আকালি দলে।
আকালি দলৰ নেতা সুখবীৰ সিং বাদলে শনিবাৰে এই কথা ঘোষণা কৰে।
যোৱা সপ্তাহত লোকসভাত কৃষি বিধেয়ক গৃহীত হোৱাৰ পাছত কেন্দ্ৰীয় মন্ত্ৰীসভাৰ পৰা পদত্যাগ কৰিছিল আকালি দলৰ নেত্ৰী হৰছিমৰৎ কৌৰ বাদলে।
যোৱা ১৭ ছেপ্টেম্বৰত মন্ত্ৰীসভাৰ পৰা পদত্যাগ কৰিছিল হৰছিমৰৎ কৌৰ বাদলে। ইয়াৰ পাছতো বিজেপিয়ে তেওঁলোকৰ দাবীৰ প্ৰতি কোনো সঁহাৰি নজনালে। পাছদিনা ৰাষ্ট্ৰপতিয়ে তেওঁৰ পদত্যাগ পত্ৰ গ্ৰহণ কৰে।
শনিবাৰে শিৰোমণি আকালি দলৰ ক’ৰ কমিটিৰ বৈঠকত NDAৰ আটাইতকৈ পুৰণি মিত্ৰদলটোৱে NDAএৰাৰ সিদ্ধান্ত লয়।
SAD core committee, in a meeting presided over by party president, decided unanimously to pull out of the BJP-led NDA alliance because of centre’s stubbornness on Agri Ordinances & its continued insensitivity towards excluding Punjabi language as official language in J&K. pic.twitter.com/2mqlSQdxk1
— Shiromani Akali Dal (@Akali_Dal_) September 26, 2020
ইপিনে, সমগ্ৰ পঞ্জাৱত কৃষি বিধেয়কৰ বিৰোধিতাৰে প্ৰবল আন্দোলনত নামি পৰিছে শিৰোমণি আকালি দলে।
শুকুৰবাৰে ৰাজ্যখনত সৰ্বাত্মক বন্ধ পালন কৰা হয় আৰু বিভিন্ন স্থানত আন্দোলনকাৰীসকলে ৰে’ল অৱৰোধ কৰে।
শিৰোমণি আকালি দলে স্পষ্টভাৱে কৈছে যে এই কৃষি বিধেয়ক কৃষকসকলৰ স্বাৰ্থৰ পৰিপন্থী। ইয়াৰ ফলত কৃষি পণ্যৰ মূল্য নিয়ন্ত্ৰণ পুঁজিপুতিৰ হাতলৈ গুচি যাব আৰু তেওঁলোকৰ ইচ্ছামতে দৰ দি কৃষকৰ পৰা শস্য ক্ৰয় কৰিব।