মহাৰাষ্ট্ৰ কংগ্ৰেছৰ সচীব নানা পাটলেয়ে পেট্ৰল-ডিজেলৰ মূল্যবৃদ্ধি সম্পৰ্কত বলিউদৰ অভিনেতা অমিতাভ বচ্ছন আৰু অক্ষয় কুমাৰে মৌনব্ৰত ধাৰণ কৰাক লৈ সমালোচনা কৰাৰ পাছত এইবাৰ শিৱসেনাৰ সাংসদ অৰৱিন্দ শাৱন্তেও অভিনেতা দুজনক গৰিহণা জনাইছে।
নানা পাটলেয়ে বৃহস্পতিবাৰে কৈছিল যে যদি অভিনেতা দুজনে এনেধৰণে মৌনব্ৰত পালন কৰি থাকে, তেনেহ’লে মহাৰাষ্ট্ৰত তেওঁলোকৰ চিনেমাৰ সম্প্ৰচাৰ আৰু শ্বুটিঙ বন্ধ কৰি দিয়া হ’ব।
আনহাতে অৰৱিন্দ সাৱন্তে কয় যে যিসময়ত প্রখৰ ঠাণ্ডা দেশৰ কৃষকসকলে দিল্লীত নিজৰ দাবীত আন্দোলন কৰি আছে আৰু চৰকাৰে ভাৰত-পাকিস্তানৰ সীমান্তসদৃশ পৰিস্থিতৰ সৃষ্টি কৰিছে, সেইসময়ত তাৰকা অভিনেতা দুজন ক’ত আছে?়
তেওঁ লগতে কয় বলিউদৰ স’তে মহাৰাষ্ট্ৰ চৰকাৰৰ কোনোধৰণৰ ব্যক্তিগত শত্ৰুতা নাই।
উল্লেখযোগ্য যে ইপিএ চৰকাৰৰ শাসনকালত অত্যাৱশ্যকীয় সামগ্ৰীৰ মূল্যবৃদ্ধি সম্পৰ্কত অভিনেতা দুজনে চ’চিয়েল মিডিয়াযোগে সঘনে সৰৱ হৈ আছিল যদিও বৰ্তমান তেওঁলোক এই বিষয়ত আগ্ৰহী নহয়।
