শিৱসাগৰত শ্ৰমিক কাৰ্ডৰ পঞ্জীয়ন পৰ্ব সম্পন্ন
ভাৰতীয় জনতা মজদুৰ সংঘ আৰু অসম চেম্বাৰছ অৱ কমাৰ্চ শিৱসাগৰ জিলা সমিতিৰ উদ্যোগত শিৱসাগৰৰ কেন্দ্ৰীয় বজাৰত ই শ্ৰম কাৰ্ডৰ পঞ্জীয়ন কৰা হয়।
এই শ্ৰমিক কাৰ্ড পঞ্জীয়ন অনুষ্ঠানত শতাধিক শ্ৰমিক, ক্ষুদ্ৰ ব্যৱসায়ীয়ে পঞ্জীয়ন কৰে।
এই ই-শ্ৰম কাৰ্ডৰ জড়িয়তে হিতাধিকাৰীয়ে প্ৰধানমন্ত্ৰী সুৰক্ষা বীমা যোজনাৰ লগতে সামাজিক সুৰক্ষা আঁচনি লাভ কৰিব পাৰিব।
শ্ৰমিক কাৰ্ড পঞ্জীয়ন অনুষ্ঠানত ভাৰতীয় জনতা মজদুৰ সংঘৰ ৰাজ্যিক সম্পাদক প্ৰঞ্জল দাস, জিলা সভাপতি গোপাল প্ৰসাদ গুপ্তা, অসম চেম্বাৰ্চ অৱ কমাৰ্চৰ সভাপতি ড০ ভবেন্দ্ৰ নাথ মহন, শ্ৰম বিষয়া অৰবিন্দ বৰঠাকুৰ, সাংবাদিক প্ৰাঞ্জল পূজাৰীৰ লগতে বহু গণ্য মান্য ব্যক্তি উপস্থিত থাকে।