চাইকেল চলাই শিৱসাগৰৰ ঐতিহাসিক সমল সমুহ পৰিদৰ্শন কৰাৰ এক ব্যতিক্ৰমী প্ৰচেষ্টা হাতত লৈছে এদল উদ্যমী যুৱকে।
যান্ত্ৰিকতাৰ পৰা আঁতৰি শৰীৰ সুস্থ আৰু সৱল কৰি ৰখা আৰু শিৱসাগৰৰ ঐতিহাসিক সমল সমুহ বিশ্ববাসীৰ ওচৰত পৰিচয় কৰাই দিয়াৰ উদ্দেশ্যে এদল যুৱকৰ ব্যতিক্ৰমী প্ৰচেষ্টা এয়া।
চাইকেল চলাই শিৱসাগৰৰ ঐতিহাসিক সমল সমুহ পৰিদৰ্শনৰ এই কাৰ্যসূচী শিৱসাগৰ চাইক্লিং এচ’ছিয়েচনৰ।
শিৱসাগৰৰ ঐতিহাসিক শিৱ’দলৰ পৰা আৰম্ভ কৰা হয় এই ৰেলী।
অসমৰ প্ৰায় তিনি শতাধিক চাইক্লিষ্টে অংশ গ্ৰহণ কৰা The Royal Heritage Cyclothon, কাৰ্যসূচীৰ ফ্লেগ অফ কৰে ৰাষ্ট্ৰীয় খ্যাতিসম্পন্ন অসমৰ পেৰা চাইক্লিষ্ট ৰাকেশ বনিয়ে।
দেওবাৰে পুৱা ৫ বজাত ঐতিহাসিক শিৱদ’লৰ সন্মুখৰ পৰা আৰম্ভ হোৱা এই চাইকেল ৰেলী গড়গাঁৱৰ কাৰেংঘৰ, পহুগড়, ৰংঘৰ আদিকে ধৰি সকলো ঐতিহাসিক সমল সামৰি প্ৰায় ৪২ কিলোমিটাৰ পৰিভ্ৰমণ কৰিব।
জিলাখনৰ কেইবাগৰাকী আৰক্ষী তথা প্ৰশাসনীয় বিষয়া, ক্ৰীড়াবিদেও এই ৰেলীত অংশ গ্ৰহণ কৰে।
