বিজয়া দশমী আৰু মহাপুৰুষ শ্ৰীমন্ত শংকৰদেৱৰ আবিৰ্ভাব তিথিৰ আনন্দৰ মাজতে এক দুখজনক বাতৰিয়ে ৰাজ্যত শোকৰ ছা পেলাইছে। মাজুলীৰ ১৪ বছৰীয়া তেজস্বীতা বৰুৱাই গীত পৰিবেশন কৰিবলৈ যোৱাৰ সময়তে হঠাতে অসুস্থ হৈ পৰে।
তেওঁক লগে লগে গড়মূৰ অসামৰিক চিকিৎসালয়লৈ নিয়া হয় যদিও চিকিৎসকে তেওঁৰ প্ৰাণ ৰক্ষা কৰিব নোৱাৰিলে।
মাজুলীৰ অতি প্ৰতিভাৱান কণ্ঠশিল্পী তেজস্বিতা বৰুৱাৰ আকস্মিক বিয়োগৰ বাতৰিটিয়ে আমাক মৰ্মাহত কৰিছে। সুকণ্ঠেৰে সকলোৰে স্নেহভাজন হোৱা তেজস্বিতাৰ আত্মাই চিৰশান্তি লাভ কৰক, তাৰেই কামনা কৰি এই শোকৰ মুহূৰ্তত পৰিয়ালবৰ্গলৈ মোৰ গভীৰ সমবেদনা জনালোঁ। ঔঁ শান্তি! pic.twitter.com/F1Y10ZVpVJ
— Sarbananda Sonowal (@sarbanandsonwal) October 5, 2022
বিভিন্ন জনে অভিযোগ কৰা অনুসৰি চিকিৎসালয়খনত পৰ্যাপ্ত অক্সিজেন চিলিণ্ডাৰ নথকাৰ বাবেই তেজস্বীতাই কৰুণ মৃত্যুক সাৱটি ল’বলগীয়া হয়।
এই ঘটনাৰ পিছতে বহুতে বিষয়টোৰ এক তদন্ত দাবী কৰিছে। ৰাইজৰ দল, অসম জাতীয় পৰিষদ আদি দল-সংগঠনৰ লগতে বিভিন্ন ব্যক্তি তথা প্ৰতিষ্ঠানে তেজস্বীতা বৰুৱাৰ অকাল মৃত্যুত গভীৰ শোক প্ৰকাশ কৰিছে।
