চিপাঝাৰৰ বিজেপি বিধায়ক বিনন্দ শইকীয়া বাহনসহ দুৰ্ঘটনাগ্ৰস্ত
চিপাঝাৰ সমষ্টিৰ বিজেপি বিধায়ক বিনন্দ শইকীয়াৰ বাহনসহ দুৰ্ঘটনাত পতিত হয়।
কালি নিশা প্ৰায় ১১ বজাত চাংসাৰীত এখন দাম্পাৰে খুন্দা মাৰে শইকীয়াৰ AS 01E 0777 নম্বৰৰ বাহনখনত।
দুৰ্ঘটনা সংঘটিত কৰিয়ে দাম্পাৰখনে পলায়ন কৰা বুলি জানিব পৰা গৈছে।
দুৰ্ঘটনাৰ ফলত মূৰ আৰু আঁঠুত আঘাত পাই বিধায়কজনে। তেওঁৰ লগত থকা দেহৰক্ষীজনো কিছু পৰিমাণে আঘাতপ্ৰাপ্ত হৈছে।
বিধায়কজনক লগে লগে আমিনগাঁওস্থিত নাৰায়না চুপাৰ স্পীচিয়েলি হাস্পাতালতভৰ্তি কৰোৱা হয়।
অৱশ্যে বিধায়ক গৰাকী সুস্থ হৈ উঠিছে আৰু বিয়লি প্ৰায় ৪ বজাত চিকিৎসালয়ৰ পৰা যাবলৈ দিয়ে চিকিৎসকে।
নিজ সমষ্টি চিপাঝাৰৰ পৰা গুৱাহাটীলৈ ঘূৰি অহাৰ সময়তে সংঘটিত হৈছিল এই দুৰ্ঘটনাটো।