ডিব্রুগড়ৰ লাটু দিহিঙিয়াৰ (২৫) হত্যাকাণ্ডত জড়িত থকাৰ অভিযোগত ডিব্ৰুগড় আৰক্ষীয়ে আজি ৬জন লোকক গ্ৰেপ্তাৰ কৰিছে।
ধৃত লোককেইজনৰ নাম দীপেন দিহিঙিয়া (৩৩), ৰঞ্জিত বৰা (৩৪), ছজিবুৰ ৰহমান (৩১), কেশৱ সোণোৱাল (২০), কেশৱ হাজৰিকা (২৬) আৰু ৰঞ্জু হাজৰিকা (৩৪)।
‘আমি ছজনক গ্ৰেপ্তাৰ কৰিছো আৰু তেওঁলোকক তিনিদিনৰ বাবে জিম্মাত লৈছো। আমি ঘটনাটোৰ তদন্ত চলাই আছো আৰু ইয়াক হত্যাকাণ্ড বুলি সন্দেহ কৰিছো, এই ৬গৰাকী যুৱক লাটু হত্যাত জড়িত আছে।‘ গোচৰটোৰ তদন্ত চলাই থকা মনোৰঞ্জন শইকীয়াই কয়।
লগতে পঢ়ক মুকলিৰ পিছদিনাই শ্বপিং মলত যুৱকৰ মৃতদেহ উদ্ধাৰ; হত্যাৰ সন্দেহ
উল্লেখযোগ্য যে শনিবাৰে ডিব্ৰুগড়ৰ ৰংঘৰ প্লাজা নামৰ এটা শ্বপিং মলত লাটু দিহিঙিয়া নামৰ এজন যুৱকৰ মৃতদেহ উদ্ধাৰ হৈছিল। মৃত যুৱকজন মলটোত থকা পেন্তালুনছৰ বিপনীত কাম কৰিছিল।
ঘটনাটোৰ সম্পৰ্কে সোধা-পোছা চলোৱাৰ বাবে ডিব্ৰুগড় আৰক্ষীয়ে শনিবাৰে মলটোৰ ১১ গৰাকী কৰ্মচাৰী আৰু ৩ গৰাকী নিৰাপত্তাৰক্ষীক আটক কৰিছিল। ইয়াৰে ৬ জনক আজি আৰক্ষীয়ে ঘটনাত জড়িত থকাৰ সন্দেহত গ্ৰেপ্তাৰ কৰে।
আৰক্ষী বিষয়া শইকীয়াই কয়, ‘CCTV ফুটেজৰ পৰা জানিব পাৰো যে বৃহস্পতিবাৰে আনকেইজন কৰ্মচাৰী উপস্থিত নাছিল কেৱল এই ৬জনহে আছিল। ঘটনাটো নিশা প্ৰায় ১.৩০ বজাত সংঘটিত হৈছিল বুলি আমি সন্দেহ কৰিছো’।
