মহানগৰীৰ পানবজাৰ অঞ্চলত গুৱাহাটী যান-বাহন আৰক্ষী বিভাগৰ দুজন বিষয়াক ছয়জন যুৱকে মিলি আক্ৰমণ কৰাৰ ঘটনা সংঘটিত হৈছে।
যুৱককেইজনৰ কৰা অপৰাধৰ বিৰুদ্ধে দাখিল কৰা এখন এজাহাৰৰ ভিত্তিত আৰক্ষীয়ে ছয়জন যুৱককে গ্ৰেপ্তাৰ কৰে।
শনিবাৰে নিশা ইয়াৰে এজন যুৱকে তীব্ৰ গতিত বাইক চলোৱাৰ বাবে যান-বাহন আৰক্ষীৰ বিষয়া দুজনে ৰখোৱাৰ পাছতে ঘটনাটো সংঘটিত হয়।
উক্ত যুৱকজনে পাছত আন পাঁচজন যুৱকক লগত লৈ ঘটনাস্থলীলৈ আহে আৰু যান-বাহন আৰক্ষীৰ বিষয়া দুজনক প্ৰহাৰ কৰে।
আক্ৰমণৰ বলি হোৱা আৰক্ষী দুজন পানবজাৰ যান-বাহন আৰক্ষীৰ ৰিতুপন শইকীয়া আৰু লতাশিল যান-বাহন আৰক্ষীৰ উৎপল গোহাই বুলি জানিব পৰা গৈছে।
বাতৰি অনুসৰি, ইয়াৰে এজন যুৱক গুৱাহাটীৰ পানবজাৰ আৰক্ষী থানাৰ এগৰাকী আৰক্ষীৰ পুত্ৰ।
