পৱিত্ৰ বৰদিন উপলক্ষে অসমবাসীলৈ মুখ্য মন্ত্ৰী সোণোৱালৰ উমাল শুভেচ্ছা
মুখ্য মন্ত্ৰী সৰ্বানন্দ সোণোৱালে পৱিত্ৰ বৰদিন উপলক্ষে সমূহ অসমবাসীলে আন্তৰিক শুভেচ্ছা জ্ঞাপন কৰিছে। সংবাদ মাধ্যমলৈ প্ৰেৰণ কৰা এক শুভেচ্ছা বাৰ্তাত মুখ্য মন্ত্ৰী সোণোৱালে কয় যে এই পৱিত্ৰ বৰদিন উদযাপনে জনসাধাৰণৰ মাজত ভাতৃত্ববোধৰ বান্ধোন অধিক সুদৃঢ় কৰাৰ উপৰি এক শক্তিশালী আধ্যাত্মিক পৰিৱেশ গঢ় দি সমাজলৈ শান্ত-সম্প্ৰীতি আৰু প্ৰগতি কঢ়িয়াই আনিব।
মুখ্য মন্ত্ৰীগৰাকীয়ে লগতে কয় যে পৱিত্ৰ বৰদিন উদযাপনৰ জৰিয়তে যীশুৰ মানৱতাবোধৰ বাণীৰে আগবাঢ়ি সমাজত সহাৱস্থানৰে শান্তিপূৰ্ণভাৱে বসবাস কৰাৰ বাবে আমি প্ৰেৰণা লাভ কৰো।
মূল্যবোধ আৰু আধ্যাত্মিক জীৱনবোধেৰে শক্তিশালী সমাজ নিৰ্মাণত গুৰুত্ব আৰোপ কৰি মুখ্য মন্ত্ৰীয়ে বৰদিন উদযাপনে আমাৰ মাজত বিশ্বজনীন ভাতৃত্ববোধ আৰু বন্ধুত্বপূৰ্ণ পৰিৱেশ অধিক সুদৃঢ় কৰি তুলিব বুলিও মুখ্য মন্ত্ৰী সোএণোৱালে উল্লেখ কৰে।
ইফালে জাক-জমকতাৰে পৱিত্ৰ বৰদিন পালন কৰিবলৈ সাজু হৈ উঠিছে গুৱাহাটী মহানগৰৰ লগতে সমগ্ৰ ৰাজ্যবাসী। ইতিমধ্যে গুৱাহাটীস্থ আটাইবোৰ গীৰ্জা ঘৰেই আটক ধুনীয়াকৈ সজাই পৰাই তোলা পৰিলক্ষিত হৈছে।