শুকুৰবাৰে গুৱাহাটীৰ ৰেডিচন ব্লু হোটেলত প্ৰথমবাৰৰ বাবে উত্তৰ-পূব ক্ৰীড়া সন্মিলন আয়োজন কৰিব স্প’ৰ্টষ্টাৰে।
স্প’ৰ্টষ্টাৰে এক বিবৃতিত সদৰী কৰিছে যে বহু বক্তাই উত্তৰ-পূৰ্বাঞ্চলৰ ক্ৰীড়া পৰিৱেশ সম্পৰ্কীয় গুৰুত্বপূৰ্ণ বিষয়বোৰ সন্মিলনত আলোচনা কৰিব।
অসমৰ মুখ্যমন্ত্ৰী হিমন্ত বিশ্ব শৰ্মাই অঞ্চলটোৰ ক্ৰীড়া উন্নয়নৰ বাবে তেওঁৰ দৃষ্টিভংগী ভাগ বতৰা কৰিব। আনহাতে কেন্দ্ৰীয় যুৱ পৰিক্ৰমা আৰু ক্ৰীড়া মন্ত্ৰী অনুৰাগ সিং ঠাকুৰে মূল ভাষণ প্ৰদান কৰিব।
টকিঅ’ ২০২০ অলিম্পিকত ৰূপৰপদক বিজয়ী ভাৰোত্তোলক মীৰাবাই চানু আৰু ব্ৰঞ্জ পদক বিজয়ী বক্সাৰ লভলিনা বৰগোহাইনৰ উপস্থিতি এই অনুষ্ঠানৰ মুখ্য আকৰ্ষণ হ’ব।
সন্মিলনখনত উত্তৰ-পূবৰ ক্ৰীড়া আৰু আন্তঃগাঁথনিৰ ওপৰত এক পেনেল আলোচনাকে ধৰি বিভিন্ন কাৰ্যসূচী থাকিব।
উত্তৰ-পূৰ্বাঞ্চলৰ পৰম্পৰাগত ক্ৰীড়াৰ বিষয়ে আলোচনা কৰিব অলিম্পিক আৰ্চাৰ জয়ন্ত তালুকদাৰ, বিশ্ব চেম্পিয়নশ্বিপত স্বৰ্ণ পদক বিজয়ী বক্সাৰ সৰিতা দেৱী, বড়োলেণ্ড টেৰিটৰিয়েল কাউন্সিলৰ প্ৰধান প্ৰমোদ বড়ো আৰু মিজোৰাম ফুটবল এছ’চিয়েশ্যনৰ সম্পাদক টেটিয়া হমাৰে।
উত্তৰ-পূবক ভাৰতৰ ক্ৰীড়া কেন্দ্ৰ কেনেদৰে গঢ়ি তুলিব পাৰি সেই সন্দৰ্ভতো সন্মিলনখনত আলোচিত হ’ব।
ভাৰতীয় ফুটবল দলৰ প্ৰাক্তন অধিনায়ক ভাইচুং ভূটীয়া, ‘ছাই’ ৰ সঞ্চালক সতীশ কে সাৰহাদী, ভাৰতীয় হকী খেলুৱৈ কোঠাজিত সিং আৰু অলিম্পিক ব্ৰঞ্জ পদক বিজয়ী এম চি মেৰীকমে তেওঁলোকৰ মতামত প্ৰকাশ কৰিব।
