প্ৰাপ্য দৰমহা আদায় দিয়াৰ বাবে প্ৰধান মন্ত্ৰী নৰেন্দ্ৰ মোদীৰ হস্তক্ষেপৰ দাবীৰে মেঘালয়ত সহস্ৰাধিক শিক্ষকে প্ৰতিবাদ সাব্যস্ত কৰে।
কেন্দ্ৰৰ সমগ্ৰ শিক্ষা অভিযান(এছ এছ এ)ৰ শিক্ষক সকলে অতি কমেও পাঁচমাহৰ দৰমহা লাভ কৰিবলৈ বাকী আছে।
দৰমহা বঞ্চিত এইসকল শিক্ষকে ৰাজপথলৈ ওলাই আহি হাতে হাতে বেনাৰ পোষ্টাৰ লৈ এইক্ষেত্ৰত প্ৰধান মন্ত্ৰী মোদীৰ হস্তক্ষেপৰ দাবী জনায়।
প্ৰতিবাদকাৰী শিক্ষক সকলে কেন্দ্ৰই শিক্ষক সকলৰ দৰমহাৰ ধন মোকলাই দিয়াৰ ক্ষেত্ৰত কৰা বিলম্বৰ কাৰণে প্ৰতিবাদ সাব্যস্ত কৰে।
এই সন্দৰ্ভত মত প্ৰকাশ কৰি মেঘালয় এছ এছ এ বিদ্যালয় শিক্ষক সংস্থাৰ সভাপতি এৰিষ্টোটল চি ৰিম্বাই কয় যে, কেন্দ্ৰই এছ এছ এৰ অধীনত ৰাজ্যখনত প্ৰাথমিক আৰু মজলীয়া বিদ্যালয়ত মুঠ ১২ হাজাৰ শিক্ষক নিযুক্তি দিছে।
ইপিনে, মেঘালয়ৰ শিক্ষা মন্ত্ৰী লাখমেন ৰিম্বাই কেন্দ্ৰই অতি সোনকালে এছ এছ এৰ শিক্ষক সকলৰ প্ৰাপ্ত মজুৰিৰ ধন মোকলাই দিব বুলি আশা ব্যক্ত কৰে।
‘‘আমি আদায় দিবলৈ বাকী থকা দৰমহা সন্দৰ্ভত কেন্দ্ৰৰ সৈতে যোগাযোগ কৰিছো আৰু খ্ৰীষ্টমাছৰ পূৰ্বে শিক্ষক সকলৰ দৰমহা আদায় দিয়া হ’ব বুলি আশা প্ৰকাশ কৰিছো,’’ মেঘালয়ৰ শিক্ষা মন্ত্ৰীয়ে কয়।
