ৰাজ্যত পুনৰ ৪২ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰ যোগে এই কথা উল্লেখ কৰিছে।
নতুনকৈ ক’ৰ’না আক্ৰান্তহোৱা লোক কেইগৰাকীৰ ভিতৰত ১৯ গৰাকী নগাঁৱৰ, ১৬ গৰাকী কোকৰাঝাৰৰ, ৪ গৰাকী লখিমপুৰৰ, ২ গৰাকী যোৰহাটৰ আৰু এগৰাকী ধেমাজীৰ।
নতুনকৈ আক্ৰান্ত হোৱা ৪২ গৰাকী লোকৰ সৈতে অসমত ক’ৰ’না আক্ৰান্ত হোৱা লোকৰ সংখ্যা ৩০৯২ গৰাকীলৈ বৃদ্ধি পায়।
আনহাতে, অসমত বৰ্তমানলৈ মুঠ ১০৯৭ গৰাকী লোক চিকিৎসাৰ অন্তত ক’ৰ’নাৰ পৰা সম্পূৰ্ণৰূপে আৰোগ্য লাভ কৰি ঘৰলৈ উভতিছে।
বৰ্তমান ৰাজ্যৰ বিভিন্ন চিকিৎসালয়ত ১৯৮৭ গৰাকী লোক চিকিৎসাধীন হৈ আছে।
অসমত ক’ৰ’নাৰ সংক্ৰমণৰ ফলত পাঁচগৰাকী লোকে প্ৰাণ হেৰুৱাইছে।
বিগত দুটা দিনত ৰাজ্যত চাৰি শতাধিক লোকে ক’ৰ’নাৰ পৰা আৰোগ্য লাভ কৰিছে।
