তিতাবৰত প্ৰচণ্ড ধুমুহা; বহু পৰিয়ালৰ বাসগৃহ লণ্ডভণ্ড হোৱাৰ লগতে মৃত্যু হ’ল বহু পশুধনৰ

আজি বিয়লি অহা প্ৰচণ্ড ধুমুহা-শিলাবৃষ্টিৰ ফলত উজনি অসমৰ যোৰহাট জিলাৰ তিতাবৰত ধংসস্তুপত পৰিণত হ’ল বহু কেইখন গাঁৱৰ কেইবাটাও পৰিয়ালৰ বাসগৃহ।

তিতাবৰৰ শিঙৰীজান, নামচুঙি, বেঙেনাখুৱা আদি গাঁৱকে ধৰি কেইবাখনো গাঁৱৰ বহু পৰিয়ালৰ বাসগৃহ ধুমুহাই তচনচ কৰি পেলোৱাৰ ফলত ৰাইজৰ মাজত হাহাকাৰ পৰিস্থিতিৰ সৃষ্টি হৈছে।

একাংশ ৰাইজৰ বাসগৃহ সম্পূর্ণৰূপে ভাঙি চুৰ-মাৰ কৰাৰ লগতে বহু মূল্যৱান গছ উভালি পেলায় বতাহ ধুমুহাই।

ইফালে এই প্ৰাকৃতিক দুৰ্যোগৰ ফলত প্ৰাণ হানি ঘটিছে কেইবাটাও পশুধনৰ। বিয়লি অহা প্ৰচণ্ড বতাহ ধুমুহা আৰু শিলাবৃষ্টিৰ ফলত সম্প্ৰতি তিতাবৰত ব্যাহত হৈ পৰিছে বিদুৎ যোগান ব্যৱস্থা।

জানিব পৰা মতে এই পৰ্যন্ত প্ৰশাসনৰ কোনো লোকে ক্ষতিগ্ৰস্ত লোকসকলৰ খবৰ ল’বলৈ অহা নাই যদিও অতি শীঘ্ৰে চৰকাৰ তথা প্ৰশাসনৰ তৰফৰ পৰা তেওঁলোকক ক্ষতিপূৰণ দিয়াৰ দাবী জনায়।