২৩ মে’ত ঘোষিত সাধাৰণ নিৰ্বাচনৰ ফলাফলত বিজেপিয়ে লাভ কৰা অভূতপূৰ্ব সাফল্য ৰাজনৈতিক বিশ্লেষকসকলৰ বাবে আলোচনাৰ বিষয় হৈ থকাৰ সময়তে আন এটা বিষয়কলৈ এতিয়া দেশৰ ‘নেটিজেন’সকলৰ মাজত চলিছে ‘গৰম’ চৰ্চা।
চৰ্চাৰ বিষয় হ’ল নিউজ এংকৰ তথা ৰিপাব্লিক টি ভিৰ পৰিচালন সঞ্চালক অৰ্ণৱ গোস্বামী, বলিউডৰ অভিনেতা ছানি দেওল আৰু অভিনেত্ৰী তথা এসময়ৰ পৰ্ণষ্টাৰ ছানি লিয়’ন।
উল্লেখযোগ্য যে নিৰ্বাচনৰ ফলাফল ঘোষণাৰ দিনা ভোট গণনাৰ বাতৰি পৰিৱেশন কৰি থকা অৱস্থাত সততে ‘উত্তেজিত’ অৰ্ণৱ গোস্বামীয়ে ‘জিভা পিছল খোৱাত’ বিজেপি প্ৰাৰ্থী ছানি দেওলক ছানি লিয়’ন বুলি কৈ পায়।
উক্ত ভিডিঅ’ ছ’চিয়েল মিডিয়াত ভাইৰেল হৈ পৰাৰ পিছৰ পৰা ‘ছ’চিয়েল মিডিয়া’ য়ুজাৰসকলৰ মাজত ব্যাপক চৰ্চা লাভ কৰিবলৈ ধৰে।
আনকি ছানি লিয়’নীয়ে ইয়াক লৈ টুইট কৰে।
Leading by How many votes ???? 😉 ?
— Sunny Leone (@SunnyLeone) May 23, 2019
ছানি লিয়’নৰ উক্ত টুইট ১৬ হাজাৰতকৈ অধিক ৰিটুইট হোৱাৰ লগতে ইয়াত ৬ হেজাৰতকৈ অধিক টুইটাৰাটিয়ে কমেণ্ট কৰে।
শেহতীয়াকৈ ছানি লিয়’ন এম্বেচাডৰ হিচাপে থকা কণ্ডম কোম্পানী ‘Manforce Condoms’এ ইয়াক লৈ টুইট কৰি কয়, “Dear Arnab, we understand. She is always on our mind as well #NationKnows” ।
Sunny on our mind. #SunnyLeone #TheNationKnows #ManforceCondoms #sunny pic.twitter.com/8L2Qt3y913
— Manforce Condoms (@ManforceIndia) May 23, 2019
অৱশ্যে অৰ্ণৱ গোস্বামীৰ একমাত্ৰ এইবাৰে যে ‘জিভা পিছল’ খাইছে এনে নহয়। ইয়াৰ পূৰ্বেও তেওঁৰ ৰাহুল গান্ধী আৰু নৰেন্দ্ৰ মোদীৰ মাজত ‘খেলিমেলি’ লাগিছিল। তদুপৰি ফলাফল ঘোষণাৰ দিনাখনো তেওঁক ৰাহুল গান্ধীক ‘ভূলতে’ ৰাহুল ভাদ্ৰা বুলি উল্লেখ কৰে।
