নিউজক্লিকৰ প্ৰতিষ্ঠাপক তথা মুখ্য সম্পাদক প্ৰবীৰ পুৰকায়স্থক মুকলি কৰি দিয়াৰ নিৰ্দেশ উচ্চতম ন্যায়ালয়ৰ
বুধবাৰে উচ্চতম ন্যায়ালয়ে বেআইনী কাৰ্যকলাপ প্ৰতিৰোধ আইন (ইউএপিএ)ৰ গোচৰত নিউজক্লিকৰ প্ৰতিষ্ঠাপক তথা মুখ্য সম্পাদক প্ৰবীৰ পুৰকায়স্থক মুকলি কৰি দিয়াৰ নিৰ্দেশ দিছে।
পুৰকায়স্থই চীনৰ পুঁজি লৈ ৰাষ্ট্ৰবিৰোধী অপপ্ৰচাৰৰ বাবে ইউএপিএৰ অধীনত গ্ৰেপ্তাৰক প্ৰত্যাহ্বান জনাই উচ্চতম ন্যায়ালয়ৰ কাষ চাপিছিল। উচ্চতম ন্যায়ালয়ে প্ৰবীৰ পুৰকায়স্থৰ গ্ৰেপ্তাৰ অবৈধ আছিল বুলি কয়।
এসপ্তাহ পূৰ্বে দিল্লী উচ্চ ন্যায়ালয়ে চীন সমৰ্থক অপপ্ৰচাৰৰ বাবে ধন লাভ কৰা বুলি অভিযোগ উত্থাপন কৰি সন্ত্ৰাসবাদ বিৰোধী আইন ইউএপিএৰ অধীনত নিউজ পৰ্টেলৰ বিৰুদ্ধে দাখিল কৰা গোচৰত নিউজক্লিকৰ মানৱ সম্পদ বিভাগৰ মুৰব্বী অমিত চক্ৰৱৰ্তীক জিম্মাত মুকলি কৰি দিয়াৰ নিৰ্দেশ দিছিল।
লগতে পঢ়কঃঅনশনৰত অৱস্থাতে কাৰাগাৰত মৃত্যু ৰাজতন্ত্ৰৰ বিৰুদ্ধে সৰৱ থাইলেণ্ডৰ মহিলা অধিকাৰ কৰ্মীৰ
ন্যায়াধীশ স্বৰ্ণা কান্ত শৰ্মাই তেওঁৰ চিকিৎসাৰ অৱস্থা বিবেচনা কৰি এই নিৰ্দেশ দিয়ে আৰু আবেদনকাৰীয়ে গোচৰটোত অনুমোদনকাৰীলৈ ক্ষমা প্ৰদান কৰাৰ বাবে তেওঁক জিম্মাৰ পৰা মুকলি কৰাৰ ক্ষেত্ৰত কোনো আপত্তি নাই বুলি কয়।
উল্লেখ্য যে যোৱা বছৰৰ ৩ অক্টোবৰত নিউজক্লিকৰ প্ৰতিষ্ঠাপক প্ৰবীৰ পুৰকায়স্থ আৰু চক্ৰৱৰ্তীক গ্ৰেপ্তাৰ কৰাৰ পিছত দিল্লী আৰক্ষীৰ বিশেষ কোষে অভিযোগ কৰে যে “ভাৰতৰ সাৰ্বভৌমত্ব বিঘ্নিত কৰিবলৈ” আৰু দেশৰ বিৰুদ্ধে অসন্তুষ্টি সৃষ্টি কৰিবলৈ চীনৰ পৰা নিউজ পৰ্টেলটোলৈ বৃহৎ পৰিমাণৰ ধন আহিছিল।
ইয়াৰ উপৰিও অভিযোগ কৰা হৈছিল যে ২০১৯ চনৰ লোকসভা নিৰ্বাচনৰ সময়ত পুৰকায়স্থই এটা গোট — পিপলছ এলায়েন্স ফৰ ডেম’ক্ৰেচি এণ্ড চেকুলাৰীজম (পিএডিএছ)ৰ সৈতে নিৰ্বাচনী প্ৰক্ৰিয়া বিনষ্ট কৰাৰ ষড়যন্ত্ৰ কৰিছিল।
লগতে পঢ়কঃচৰকাৰক সমালোচনা কৰাৰ বাবেই কাৰণ দৰ্শোৱা জাননী লাভ কৰিলে বিজেপি নেতা অশোক শৰ্মাই
দিল্লী আৰক্ষীয়ে আদালতত এই কথাও জনাইছিল যে নিউজক্লিকৰ প্ৰতিষ্ঠাপক তথা মুখ্য সম্পাদক প্ৰবীৰ পুৰকায়স্থই ২০২০ চনৰ দিল্লী সংঘৰ্ষ গঢ়ি তুলিবলৈ আৰু বৰ্তাই ৰাখিবলৈ, কোভিড-১৯ সন্দৰ্ভত ভুল তথ্য প্ৰচাৰ চলাবলৈ, কৃষকৰ প্ৰতিবাদ গঢ়ি তুলিবলৈ তথা বৰ্তাই ৰাখিবলৈ আৰু কাশ্মীৰত সন্ত্ৰাসবাদক প্ৰৰোচিত কৰিবলৈ চীনৰ পৰা ভাৰতত ধন প্ৰৱেশত সহায় কৰিছিল।