আগ্ৰাসনকাৰীৰ শেন চকু এইবাৰ অসমৰ বনাঞ্চলসমূহ। একাংশ আগ্ৰাসনকাৰীৰ বাবে অস্তিত্বৰ সংকটত পাটকাই পাহাৰ। বন দস্যুৰ কোপ দৃষ্টি পৰিছে পাটকাই পাহাৰৰ বনাঞ্চলত। এফালৰ পৰা কাটি তহিলং কৰি জ্বলাই দিছে পাহাৰৰ মুল্যৱান গছ-গছনি। ইয়াৰ পিছতো কিন্তু নীৰৱ নিৰ্বিকাৰ ৰাজ্যৰ বন বিভাগ।
ঐতিহাসিক পাটকাই পাহাৰৰ বুকুত বনদস্যুৰ আগ্ৰাসনৰ বিৰূদ্ধে জাঙুৰ খাই উঠিছে ৰাজ্যখনৰ বিভিন্ন জাতীয় জনগোষ্ঠীয় দল সংগঠনসমূহ। বৃহস্পতিবাৰে টাই আহোম ছাত্ৰ সন্থাৰ কেন্দ্ৰীয় সমিতিৰ সভাপতি মিলন বুঢ়াগোঁহাইৰ নেতৃত্বত এটা সজাতি দল দুষ্কৃতিকাৰীয়ে জ্বলাই তহিলং কৰা পাটকাই পাহাৰ পৰিদৰ্শন কৰে।
লগতে পঢ়ক: গুৰগাঁৱত গাড়ীৰ ভিতৰতে বন্ধুৰ ধৰ্ষণৰ বলি অসমৰ মহিলা; অভিযুক্তক আটক
এই পৰিদৰ্শন কালত টাই আহোম ছাত্ৰ সন্থাৰ তিনিচুকীয়া জিলাৰ সমিতিৰ বিষয়ববীয়া আৰু মাৰ্ঘেৰিটা আঞ্চলিক সমিতিৰ বিষয়ববীয়াই তেওঁক সহযোগিতা আগবঢ়ায়। টাই আহোম ছাত্ৰ সন্থাৰ কেন্দ্ৰীয় নেতা জনে মৌন বন বিভাগ তথা স্থানীয় প্ৰশাসনৰ বিৰুদ্ধে সোচ্চাৰ হৈ পৰে।
টাই আহোম ছাত্ৰ সন্থাই ঐতিহাসিক পাটকাই পাহাৰত হোৱা আগ্ৰাসন কোনো কাৰণতে মানি লোৱা নহ’ব বুলি হুংকাৰ প্ৰদান কৰে।
ইয়াৰ পিছতেই প্ৰতিনিধি দলটোৱে মাৰ্ঘেৰিটা মহকুমাধিপতি প্ৰীতি কুমাৰীক সাক্ষাৎ কৰি উক্ত ঘটনা সন্দৰ্ভত অৱগত কৰে।
আনহাতে, কিছুদিন পূৰ্বে টাই আহোম ছাত্ৰ সন্থাই লিডু-মাৰ্ঘেৰিটাত চলি থকা অবৈধ চোৰাং কয়লা বেহাৰ বিৰুদ্ধে যি দৰে হুংকাৰ প্ৰদান কৰিছিল, পৰৱৰ্তী সময়ত সকলো বোৰ ফুটকাৰ ফেন হ’ল বুলিও চৰ্চা চলিছে। কেৱল মাত্ৰ ঢোৰা সাপৰ দৰে ফেট তোলাৰো অভিযোগ উত্থাপন হৈছে।
লগতে পঢ়ক: গণিতত ৫১, সমাজ বিজ্ঞানত ৮১! IPL-ৰ পূৰ্বে ছ’চিয়েল মিডিয়াত ভাইৰেল কোহলীৰ দশম শ্ৰেণীৰ মাৰ্কশ্বীট
বৃহস্পতিবাৰে মুহকুমাধিপতিক সাক্ষাতৰ পাছত মহকুমা প্ৰশাসন তথা টাই আহোম ছাত্ৰ সন্থাই অনাগত সময়ত কেনেধৰণৰ পদক্ষেপ লয় সেইয়া অৱশ্যে লক্ষণীয় হ’ব।
