মন কৰিলেই চন l সাফল্য নিজেই আহিব l কি কৰিম, কি নকৰিম ভাবি নাথাকি ঘৰৰ বাৰীতে নূন্যতম খৰচেৰে নিজৰ খেতিডৰাত জৈৱিক সাৰ প্ৰয়োগৰ অৰ্থে আজিৰ পৰা দহ বছৰ পূৰ্বে যোৰহাট জিলাৰ টীয়কৰ হৰেন বৰাই আৰম্ভ কৰিছিল কেঁচুসাৰ প্ৰস্তুত কৰাৰ কাম।
পাছলৈ ক্ৰমান্বয়ে খেতিখোলাত সফলতা লাভ কৰি সকলো কৃষকেই যাতে কেঁচুসাৰ প্ৰয়োগেৰে লাভান্বিত হ’ব পাৰে তাৰে মানসেৰে নিজৰ প্ৰয়োজনতকৈ অধিক সাৰ প্ৰস্তুতত ব্যস্ত হৈ পৰিল বৰা।
অভিজ্ঞজনৰ পৰামৰ্শ লৈ আজি হৰেন বৰাই যোৰহাটৰ লগতে উজনি অসমৰ বিভিন্ন অঞ্চলত কেঁচুসাৰ যোগান ধৰি নিজৰ স্বাৱলম্বিতাৰ পথ সুগম কৰিছে।
ইয়াৰ লগতে বিষমুক্ত জৈৱিক উৎপাদিত সামগ্ৰী ৰাইজক যোগান ধৰিবলৈ সক্ষম হৈছে।
লগতে পঢ়ক: ৰাংছালীত ব্ৰহ্মপুত্রত উদ্ধাৰ নথিপত্ৰ সম্বলিত বেগ; নিমাতী ঘাটৰ নাও দুৰ্ঘটনাৰ যাত্ৰীৰ হোৱাৰ সন্দেহ
হৰেন বৰাই জনোৱা মতে অতি কম টকা ব্যয় সাপেক্ষেই এই প্ৰকল্প অতি কম ঠাইতে স্থাপন কৰিব পাৰি আৰু বৰ্তমান ইয়াৰ চাহিদাও অধিক।
সেয়ে উঠি অহা প্ৰজন্মক কামৰ বাবে হাবাথুৰি নাখাই কেঁচুসাৰ প্ৰস্তুত প্ৰকল্পত নিজকে আত্মনিয়োগ কৰিবলৈ আহ্বান জনাইছে বৰাই।
