শেহতীয়াকৈ টাইৱানৰ ওচৰত পানীৰ তলত পোৱা গৈছে এটা ৰহস্যময় ‘পিৰামিড’। ই আমাৰ প্ৰাচীন সভ্যতাৰ বিষয়ে গৱেষকসকলৰ ধাৰণাত এক গুৰুতৰ প্ৰত্যাহ্বানৰ সৃষ্টি কৰিছে।
যোনাগুনি স্মৃতিসৌধ নামেৰে পৰিচিত এই ঐতিহাসিক আৰু ৰহস্যময় পিৰামিডটো জাপানৰ ওচৰতে অৱস্থিত। ১৯৮৬ চনত জাপানৰ ৰ্যুকিউ দ্বীপপুঞ্জৰ ওচৰত ইয়াক আৱিষ্কাৰ কৰা হৈছিল। জানিব পৰা মতে, জাপানৰ ওচৰৰ এই ৰহস্যময় পিৰামিডটোত কিছুমান অদ্ভুত বস্তু আছে।
সাগৰৰ ৮২ ফুট গভীৰতাত অৱস্থিত এই কীৰ্তিচিহ্নটোৰ উচ্চতা প্ৰায় ৯০ ফুট। তদুপৰি এই সৌধটো সম্পূৰ্ণৰূপে শিলৰ। সময়ৰ লগে লগে এই কীৰ্তিচিহ্নটোৰ আকৰ্ষণীয় বৈশিষ্ট্যই বিতৰ্কৰ সৃষ্টি কৰিছে। শেহতীয়াকৈ বহু বিশেষজ্ঞই এই স্থাপত্য মানৱসৃষ্ট হ’ব পাৰে বুলি মত প্ৰকাশ কৰিছে।
এই সৌধটো আৱিষ্কাৰ হোৱাৰ লগে লগে এটা নতুন প্ৰশ্নৰ উত্থাপিত হৈছে। ই বহু আগতেই বিকশিত হোৱা মানৱ সংস্কৃতিৰ অস্তিত্বৰ কথাও আঙুলিয়াই দিছে। ইয়াক ‘জাপানৰ আটলাণ্টিছ’ বুলিও কোৱা হৈছে।
যোনাগুনিয়ে সময়ৰ লগে লগে ম্লান হৈ পৰা সভ্যতাৰ ইংগিত দিছে। হেৰাই যোৱা সভ্যতাৰ গৱেষণাৰ বাবে পৰিচিত লেখক গ্ৰেহাম হেনককে এই স্মৃতিসৌধটো হয়তো কোনো উন্নত সমাজে নিৰ্মাণ কৰিছিল বুলি মত প্ৰকাশ কৰিছে। তেওঁৰ মতে মানৱ জাতিয়ে ইমান বৃহৎ গঠন নিৰ্মাণ কৰিবলৈ সক্ষম বুলি ভবা হোৱাৰ বহু আগতেই ইয়াক নিৰ্মাণ কৰা হৈছে। যদি এই দাবী সত্য বুলি প্ৰমাণিত হয়, তেন্তে ই প্ৰতিষ্ঠিত ঐতিহাসিক সময়সীমাক প্ৰত্যাহ্বান জনাব পাৰে আৰু প্ৰাচীন মানৱ সভ্যতাৰ সামৰ্থ্যৰ বিষয়ে নতুন ধাৰণাৰ সৃষ্টি কৰিব পাৰে।
