ভাৰতৰ একমাত্ৰ বিধৱা গাঁওখন : কি কাৰণে জীয়াই নাথাকে পুৰুষ?  জানিলে আচৰিত হ’ব আপুনি

আমাৰ দেশত হাজাৰ হাজাৰ গাঁও আছে। কিন্তু সেই গাঁওবোৰৰ ভিতৰত কিছুমান গাঁও আছে যিবোৰ নিজৰ বৈশিষ্ট্যৰ বাবে বিখ্যাত বা কুখ্যাত হৈ পৰে।

আমি আপোনালোকৰ সন্মুখত এনে এখন গাঁৱৰ কথা ক’বলৈ ওলাইছোঁ, যাক কোৱা হয় “বিধৱাৰ গাঁও”। 

এই গাঁওখনৰ নামটোৰ আঁৰত এটা আচৰিত কাৰণ আছে। প্ৰথমে কওঁ যে এই গাঁওখন ৰাজস্থানত অৱস্থিত। আটাইতকৈ উল্লেখযোগ্য কথাটো হ’ল এই গাঁৱৰ বেছিভাগ পুৰুষৰ মৃত্যু হৈছে। এই মৃত্যুৰ বিষয়ে সকলোৱে সচেতন হ’লেও কোনো উচিত উদ্যোগ নোলোৱাৰ বাবে এই অঞ্চলটো বিধৱা গাঁৱত পৰিণত হৈছে। ৰাজস্থানৰ বুণ্ডী জিলাৰ বুধুপুৰা গাঁওখন বিধৱা গাঁও বুলি চিনাক্ত কৰা হৈছে।

গাঁওখনত থকা খনিবোৰত কাম কৰি থকাৰ সময়তে বেছিভাগ পুৰুষৰ মৃত্যু হয়। ইয়াৰ উপৰিও তাত থকা অধিকাংশ জনসংখ্যা চিলিকোচিছ ৰোগত আক্ৰান্ত। এই ৰোগে অহৰহ প্ৰাণ কাঢ়ি নিছে পুৰুষ সকলৰ। 

সংবাদ মাধ্যমৰ খবৰ অনুসৰি ৰাজস্থানৰ বুধপুৰা গাঁৱত বৃহৎ পৰিসৰত শিলৰ খনন কৰা হয়। ইফালে শিল থেতেলোৱাৰ সময়ত নিৰ্গত হোৱা চিলিকাৰ ধূলি শ্ৰমিকৰ শৰীৰত প্ৰৱেশ কৰি তেওঁলোকৰ হাওঁফাওঁত সংক্ৰমণ ঘটায়। তেওঁলোকে ৰোগৰ বিষয়ে কিবা উপলব্ধি কৰাৰ আগতেই শাৰীৰিক অৱস্থাৰ অৱনতি ঘটে। এনে ক্ষেত্ৰত সময়মতে চিকিৎসা নোপোৱাৰ বাবে তেওঁলোকৰ মৃত্যু হয়।

ইফালে এই শিল কুৱেৰীত কামৰ বাবে শ শ পৰিয়ালৰ জীৱন ধ্বংস হোৱাৰ অভিযোগ উত্থাপন হৈছে যদিও চৰকাৰ বা শিলৰ মালিকৰ কোনো সহায় নাই। অৱশ্যে কিছুমান সংগঠনে তেওঁলোকক সহায় কৰিবলৈ আগবাঢ়ি আহে। আনকি এই কোম্পানীসমূহে এই শ্ৰমিকসকলৰ সঠিক অধিকাৰৰ বাবে যুঁজি থকাটোও জনা যায়।