আজিৰে পৰা ৫ দিনীয়া কার্যসূচীৰে আৰম্ভ হ’ব অসম বিধানসভাৰ শীতকালীন অধিৱেশন৷ এই অধিৱেশনত মুখ্যমন্ত্ৰীৰ পৰিয়ালৰ ভূমি কেলেংকাৰীকলৈ সদন উত্তপ্ত হোৱাৰ সম্ভাৱনা আছে।
শেহতীয়াকৈ মুখ্যমন্ত্ৰীৰ পৰিয়ালৰ ভূমি কেলেংকাৰীক লৈ শিৱসাগৰৰ বিৰোধী বিধায়ক অখিল গগৈকে ধৰি প্ৰধান বিৰোধী দল কংগ্ৰেছে সৰৱ হৈ পৰিছে।
এতিয়া বিধানসভাৰ অধিৱেশনতো এই ভূমি কেলেংকাৰীকলৈ সদন উত্তপ্ত হোৱাটোপ্ৰায় নিশ্চিত।
আনহাতে, এই অধিৱেশনত এখন নতুন বিধেয়ককে ধৰি ১২খন সংশোধনী বিধেয়ক উত্থাপনৰ বাবে চৰকাৰে বিধানসভা কর্তৃপক্ষক অৱগত কৰিছে৷
Also Read: ধুবুৰীত আৰক্ষীৰ জিম্মাত থকা জব্দকৃত বাহন জ্বলাই দিলে অচিনাক্ত দুৰ্বৃত্তই
এই অধিৱেশনত তৃতীয় আৰু চতুর্থবর্গৰ কর্মচাৰী নিযুক্তি সম্পর্কত এখন নতুন বিধেয়ক উত্থাপন হ’ব৷ তদুপৰি, অসম পশুধন সুৰক্ষা, আবকাৰী, সমবায়, ভৈয়াম জনজাতি, ৰাজহ, গৃহ আদি বিভাগৰ সংশোধনী বিধেয়কো উত্থাপন কৰা হ’ব৷
Also Read:মাকুমকিল্লাত বন্যহস্তীৰ আক্ৰমণত প্ৰাণ গ’ল এজনৰ, বাসগৃহ লণ্ডভণ্ড; বগাহাতীত পৰিণত বিয়াগোম বনবিভাগ
আনহাতে, এইবাৰ বিধানসভাৰ কার্য উপদেষ্টা পৰিষদে বিধায়কৰ ব্যক্তিগত কার্যসূচীৰ দিনটোতো শূন্যকালীন ঘণ্টা ৰখাৰ ব্যৱস্থা কৰিছে৷
আজিৰে পৰা আৰম্ভ হ’বলগীয়া বিধানসভাৰ এই শীতকালীন অধিৱেশন অহা ২৪ ডিচেম্বৰত অন্ত পৰিব৷
