কোভিড আতংকৰ মাজতে চাপৰ-শালকোছাৰ অন্তর্গত নিউ হাতীপোতাত চুৰিকাণ্ড

চৌদিশে কৰণা মহামাৰীৰ ত্ৰাসত ৰাইজ শংকিত হৈ থকাৰ সময়তে ধুবুৰী জিলাৰ চাপৰ থানা তথা শালকোচা আৰক্ষী চকীৰ অন্তৰ্গত নিউহাতীপোতা বজাৰৰ সমীপ শ্ৰীগ্ৰাম ষষ্ঠ খণ্ডৰ নিবাসী আব্দুৰ ৰহিম আৰু আব্দুল ওহাৱ নামে দুই ভাই-ককাইৰ ঘৰত চোৰে প্ৰৱেশ কৰি লুটিলে বহু পৰিমাণৰ সোন-ৰূপৰ আ-অলংকাৰৰ লগতে নগত ৮০ হাজাৰ টকা।

উল্লেখ্য যে চোৰে চুৰি কৰাৰ পুৰ্বে আব্দুল ওহাব আৰু তেওঁৰ পত্নীক অচেতন কৰি চুৰিকাণ্ড সংঘটিত কৰি বহুদিনৰ পৰিশ্ৰমৰ নগদ ধন আৰু কেৱা লক্ষাধিক মূল্যৰ আ-অলংকাৰ লুটি নিয়ে।
চোৰৰ চক্ৰটোক অনতিপলমে আটক কৰি উপযুক্ত শাস্তি দিয়াৰ বাবে সচেতন মহলে দাবী উত্থাপন কৰিছে ।

ইতিমধ্যে শালকোছা আৰক্ষীয়ে ঘটনাস্থলীত উপস্থিত হৈ তদন্ত আৰম্ভ কৰিছে ।
উল্লেখ্য যে বিগত কিছুদিন দিন পূৰ্বে চাপৰ আৰক্ষীযে চোৰৰ বিৰুদ্ধে তীব্র অভিযান চলাইছিল আৰু দুই- এজনক ৰঙাঘৰলৈ প্ৰেৰণ কৰিছে যদিও সম্প্ৰতি চোৰৰ উপদ্ৰৱ বৃদ্ধি পাইছে ।

ইপিনে চাপৰ আৰক্ষীয়ে চোৰ, ড্ৰাগছ , নিচা জাতীয় টেবলেট কাফ চিৰাপ আদি অবৈধ কাৰ্যকলাপৰ বিৰুদ্ধে তীব্ৰ অভিযান অব্যাহত ৰাখিছে। ইতিমধ্যে ড্ৰাগছ , নিচা জাতীয় দ্ৰব্যৰ লগতে বিক্রেতা কেইজনমান’ক জেল লৈ প্ৰেৰণ কৰিছে। এই ধৰণৰ অসামাজিক কাৰ্যকলাপ ৰোধ কৰিবলৈ ৰাইজে দাবী জনাইছে।