ৰাজ্যত আজি অনুষ্ঠিত হোৱা অন্তিম তথা তৃতীয় পৰ্যায়ৰ ভোটগ্ৰহণত প্ৰথম দুঘণ্টাৰ ভোটদানৰ হাৰ হৈছে ১২.৮৩ শতাংশ।
ৰাজ্যিক নিৰ্বাচন আয়োগে এই তথ্য প্ৰকাশ কৰিছে।
ইফালে পুৱা ৯ বজালৈকে কামৰূপ(ম) জিলাৰ ভোটদানৰ হাৰো প্ৰকাশ কৰা গৈছে।
জালুকবাৰী ১৩ শতাংশ, দিছপুৰ ১২, পূৱ গুৱাহাটী ১১ আৰু পশ্চিম গুৱাহাটী সমষ্টিত ১১ শতাংশ ভোটদান হৈছে।
কামৰূপ (ম) জিলা বিশেষকৈ গুৱাহাটী মহানগৰীৰ ভোটগ্ৰহণ কেন্দ্ৰসমূহত পুৱাৰে পৰা ভোটাৰৰ দীঘলীয়া শাৰী দেখা পোৱা গৈছে।
উল্লেখ্য যে ৰাজ্যখনৰ ১২ খন জিলাৰ ৪০ টা বিধানসভা সমষ্টিত আজি অনুষ্ঠিত হৈছে ভোটগ্ৰহণ।
পুৱা ৭ বজাৰ পৰা আৰম্ভ হোৱা আজিৰ ভোটগ্ৰহণৰ সামৰণি পৰিব সন্ধিয়া ৬ বজাত।
