বাংলাদেশৰ কক্সবজাৰৰ উখিয়া বালুখালিৰ তিনিটা ৰোহিংগীয়া শিবিৰত বিধ্বংসী অগ্নিকাণ্ডৰ ঘটনা সংঘটিত হৈছে। অগ্নিকাণ্ডৰ ফলত ২,০০০ তকৈও অধিক ঘৰ ভস্মীভূত হয়। ১১ নং শিবিৰৰ বি আৰু ই ব্লকত দেওবাৰে আবেলি প্ৰায় ৩:০০ বজাত জুইৰ সূত্ৰপাত ঘটে। পিছত জুই ১০ আৰু ৯ নং ৰোহিংগীয়া শিবিৰলৈ বিয়পি পৰে। কূটাঘাতৰ অভিযোগত এজন লোকক গ্ৰেপ্তাৰ কৰা হৈছে।
কক্স বজাৰৰ শৰণাৰ্থী সাহায্য আৰু প্ৰত্যাৱৰ্তন আয়ুক্ত মহম্মদ মিজানুৰ ৰহমানে জনায় যে প্ৰথমতে শিবিৰ ১১ৰ এটা ঘৰৰ পাকঘৰত থকা গেছ চিলিণ্ডাৰৰ পৰা এই অগ্নিকাণ্ড সংঘটিত হোৱাৰ খবৰ পোৱা গৈছিল। জুই লগাৰ লগে লগে উখিয়া ফায়াৰ চাৰ্ভিচৰ দুটা দলে পিছত কক্সবজাৰ চহৰৰ ৰামু টেকনাফত অৱস্থিত অগ্নি নিৰ্বাপক অভিযানত যোগদান কৰে।
তেওঁ জনায় যে শিবিৰৰ প্ৰতিটো ঘৰত এটা গেছ চিলিণ্ডাৰ থাকে। এই গেছ চিলিণ্ডাৰবোৰ জুইত বিস্ফোৰণ হোৱাৰ লগে লগে জুই বিয়পি পৰে আৰু ইয়াক নিয়ন্ত্ৰণলৈ আনিব লগা হৈছে। এই শিবিৰবোৰত থকা ২,০০০ তকৈও অধিক ঘৰ সম্পূৰ্ণৰূপে ভস্মীভূত হৈছে আৰু ইয়াৰ ফলত ১২,০০০ বাসিন্দা ক্ষতিগ্ৰস্ত হৈছে।
অগ্নি নিৰ্বাপক সেৱাৰ উপ সহকাৰী সঞ্চালক অতীশ চাকমাই কয় যে সন্ধিয়া প্ৰায় ৬ বজাত জুই নিয়ন্ত্ৰণলৈ অনা হৈছিল। অগ্নি নিৰ্বাপক সেৱাৰ দহটা গোটে জুই নিয়ন্ত্ৰণলৈ অনাৰ বাবে তিনি ঘণ্টা কাম কৰিছিল। তেওঁ কয় যে জুইৰ কাৰণ আৰু ক্ষতি নিৰ্ধাৰণৰ বাবে কাম চলি আছে।
কক্সবজাৰৰ অতিৰিক্ত শৰণাৰ্থী সাহায্য আৰু প্ৰত্যাৱৰ্তন আয়ুক্ত মহম্মদ চামচু-দৌজাই জনায় যে প্ৰাৰম্ভিক পৰ্যায়ত প্ৰায় ২,০০০ ঘৰ ভস্মীভূত হৈছে আৰু ১২,০০০ ৰোহিংগীয়া ক্ষতিগ্ৰস্ত হৈছে। ৩৫ টা মছজিদ আৰু মোক্তাব, দুটা প্ৰাথমিক স্বাস্থ্য কেন্দ্ৰ, এটা সহায় কক্ষ, এটা যুৱ কেন্দ্ৰ, মহিলা-অনুকূল কেন্দ্ৰ, এটা শিক্ষা কেন্দ্ৰ, এটা শিশু-অনুকূল কেন্দ্ৰ আৰু এটা মানসিক পৰিচৰ্যা কেন্দ্ৰ জুইত ভস্মীভূত হয়। কোনো লোক হতাহত হোৱাৰ খবৰ পোৱা হোৱা নাই।
বাতৰি অনুসৰি, আবেলি প্ৰায় ৩:০০ বজাত এই অগ্নিকাণ্ড সংঘটিত হৈছিল। জুই কেনেকৈ আৰম্ভ হৈছিল সেয়া এতিয়াও জানিব পৰা হোৱা নাই। শিবিৰবোৰ লগালগিকৈ কাষত থকাৰ বাবে জুই ১২, ১১, ১০ আৰু ৯ শিবিৰলৈ বিয়পি পৰিছিল। অগ্নিকাণ্ডৰ কাৰণ এতিয়াও জানিব পৰা হোৱা নাই যদিও আৰক্ষীয়ে এজন সন্দেহযুক্ত যুৱকক আটক কৰিছে। আটকাধীন যুৱকজনক সোধপোছ কৰাৰ পিছতহে ক’ব পৰা যাব।
ৰোহিংগীয়াসকলে ধাৰণা কৰে যে শিবিৰত জুই এটা পৰিকল্পিত ধ্বংসযজ্ঞ। শিবিৰৰ ক্ষতিগ্ৰস্ত বাসিন্দাই জানিবলৈ দিয়ে যে আৰছা সন্ত্ৰাসবাদীয়ে জুই জ্বলাই দিয়ে।
ইপিনে, জুইত জ্বলি যোৱা ৰোহিংগীয়া পৰিয়ালবোৰে এতিয়া এক অনিশ্চিত জীৱন যাপন কৰিছে। ৰাতিটো ক’ত কটাব তাক লৈও অনিশ্চয়তাৰ সৃষ্টি হৈছে।
উল্লেখ্য যে ২০২১ চনৰ ২২ মাৰ্চত একেটা শিবিৰত ভয়ংকৰ অগ্নিকাণ্ড সংঘটিত হৈছিল। সেই সময়ত ১১ জন লোক নিহত হৈছিল আৰু ৫০০ ৰো অধিক লোক আহত হৈছিল। সেইবাৰ ৯,০০০ তকৈও অধিক ঘৰ ভস্মীভূত হৈছিল।
