স্থানীয় সংবাদ মাধ্যমে প্ৰকাশ কৰা অনুসৰি মধ্য জাপানত ছুৰীকাঘাত আৰু গুলীচালনাৰ ঘটনাত তিনিজন লোক নিহত হৈছে। নাগানো প্ৰিফেকচাৰৰ নাকানো চহৰত ছদ্মবেশত অহা এজন লোকে এগৰাকী মহিলাক ছুৰীৰে আঘাত কৰাৰ পিছত চিকাৰী ৰাইফল ব্যৱহাৰ কৰা বুলি জানিব পৰা গৈছে। গুলীচালনাৰ ফলত দুজন আৰক্ষীও নিহত হয় আৰু আন এজন লোক আহত হয়।
জাপানৰ সংবাদ মাধ্যমে প্ৰকাশ কৰা অনুসৰি আক্ৰমণকাৰী বুলি অভিযোগ উত্থাপন কৰা লোকজনক এটা অট্টালিকাৰ ভিতৰত বন্দী কৰি ৰখা হৈছে।
যোৱা বছৰৰ জুলাই মাহত প্ৰাক্তন প্ৰধানমন্ত্ৰী শ্বিনজো আবেক হত্যা কৰিলেও জাপানত বন্দুকৰ হিংসা অত্যন্ত বিৰল।
লগতে পঢ়ক: মহানগৰীৰ খাৰঘূলিৰ পানীৰ পাইপ বিস্ফোৰণৰ ঘটনাত ২ জনৰ মৃত্যু, বিধ্বস্ত ৪০ টাৰো অধিক ঘৰ
জাপানৰ সংবাদ সংস্থা কিয়’ড’ৰ মতে, প্ৰায় সন্ধিয়া ৭:২৫ বজাত এজন লোকে এগৰাকী মহিলাক খেদি ফুৰা আৰু তাৰ পিছত ছুৰীৰে আঘাত কৰা বুলি আৰক্ষীয়ে ফোন লাভ কৰে।
লোকজনে জৰুৰীকালীনভাৱে অৱস্থান কৰা আৰক্ষী বিষয়াক গুলীয়াই হত্যা কৰাৰ অভিযোগ উত্থাপন হৈছে।
নাকানো চহৰৰ বিধানসভাৰ অধ্যক্ষৰ বাসগৃহ বুলি ধাৰণা কৰা এটা অট্টালিকাৰ ভিতৰত তেওঁ নিজকে আৱদ্ধ কৰি ৰখা বুলি কোৱা হৈছে।
আবে জাপানৰ আটাইতকৈ দীৰ্ঘদিনীয়া প্ৰধানমন্ত্ৰী আছিল আৰু তেওঁৰ মৃত্যুৱে সকলোৱে স্তম্ভিত কৰি তুলিছিল কিয়নো দেশত হেণ্ডগান নিষিদ্ধ আৰু ৰাজনৈতিক হিংসাৰ কাণ্ড প্ৰায় শুনা নাযায়।
লগতে পঢ়ক: আপত্তিজনক প্রস্তাৱ শুনিয়েই ছবি এৰি থৈ আহিছিল প্ৰিয়ংকাই; কি চাব খুজিছিল পৰিচালকে?
২০১৪ চনত জাপানত বন্দুকৰ গুলীত মৃত্যুৰ মাত্ৰ ছটা ঘটনা সংঘটিত হোৱাৰ বিপৰীতে আমেৰিকাত ৩৩,৫৯৯টা ঘটনা সংঘটিত হৈছিল।
জাপানত বন্দুক কিনিবলৈ হ’লে মানুহে কঠোৰ পৰীক্ষা আৰু মানসিক স্বাস্থ্য পৰীক্ষা কৰিব লাগিব। তেতিয়াও কেৱল শ্বটগান আৰু এয়াৰ ৰাইফলৰহে অনুমতি দিয়া হয়।
