আজি মাঘ বিহুৰ উৰুকা : শিৱসাগৰত ভোগালীৰ ব্যাপক উৎসাহ
সম্মুখত ভোগালী, আজি উৰুকা। বাপোতি সাহোন ভোগালী আদৰিবলৈ সাজু শিৱসাগৰবাসী।
পুৱাৰ পৰাই শিৱসাগৰৰ বিভিন্ন প্ৰান্তৰ দেখা গ’ল থলুৱা মাছ ধৰাৰ লগতে বহুতো ভোগালীৰ মেলাত থলুৱা সামগ্ৰীৰে ভৰপূৰ।
শিৱসাগৰৰ দ’ল মুখত ‘ঐক্য’ৰ সৌজন্যত আত্মসহায়ক গোটসমূহে ভোগালী মেলাৰ আয়োজন কৰে।
বিভিন্ন থলুৱা খাদ্য সামগ্ৰীৰে ভৰপূৰ এইখন ভোগালী মেলা। বিভিন্ন প্ৰকৰণৰ পিঠা, হুৰুম, মুড়ি ,লাড়ু,,চিৰা, চাউলেৰে ভৰি পৰিছে বজাৰখন।
ইপিনে উৰুকা দিনা শিৱসাগৰৰ কেন্দ্ৰীয় বজাৰতো দেখা গ’ল গ্ৰাহকৰ ভিৰ।
আনহাতে ঐতিহাসিক জেৰেঙা পথাৰত স্থানীয় ব্যক্তি জগত হাজৰিকাৰ ফিচাৰিত মীন পালনৰ যি প্ৰচেষ্টা কৰিছিল আজি উৰুকাৰ দিনা ঐতিহাসিক জেৰেঙা পথাৰৰ পৰাও প্ৰকাণ্ড মাছ ধৰি গ্ৰাহকক ক্ৰয় কৰা দেখা গ’ল।
ইফালে এছিয়াৰ প্ৰথমখন চিৰিয়াখানা হিচাপে খ্যাত ঐতিহাসিক পহুগড়ত দেখা গ’ল থলুৱা মাছৰ চমক।
উৰুকাৰ নিশা সকলো এসাজ খোৱাৰ আনন্দ সেয়া গ্ৰহণ কৰিবলৈ গ্ৰাহকে মাছ ক্ৰয় কৰা পৰিলক্ষিত হয়।
এইদৰে শিৱসাগৰত ভোগালীৰ ব্যাপক প্ৰস্তুতি দেখা যায়।