কেন্দ্ৰীয় চৰকাৰে সলনি কৰিব পাৰে টোল নীতি, সলনি কৰা হ’ব পাৰে টোল টেক্সৰ নিয়ম!

কেন্দ্ৰীয় চৰকাৰে সলনি কৰিব পাৰে টোল নীতি, সলনি কৰা হ’ব পাৰে টোল টেক্সৰ নিয়ম! প্ৰকাশিত খবৰ মতে কেন্দ্ৰীয় চৰকাৰে টোল নীতিৰ ব্যাপক সংশোধন তথা সলনিৰ বাবে প্ৰস্তুতি চলাইছে।

তথ্য অনুসৰি ইতিমধ্যে কিন্তু IITৰ BHU অৰ্থাৎ বেনাৰস হিন্দুবিশ্ববিদ্যালয়ৰ কেম্পাছক এই নতুন টোল লাইন প্ৰস্তুত কৰাৰ দায়িত্ব অৰ্পণ কৰা হৈছে। অৱশ্যে কেন্দ্ৰীয় চৰকাৰে এই সন্দৰ্ভত এতিয়ালৈকে কোনো তথ্য সদৰী কৰা নাই। কিন্তু IITৰ BHUৰ সংশ্লিষ্ট বিভাগক নতুন টোল নীতি প্ৰস্তুত কৰিবলৈ দায়িত্ব দিয়া বুলি প্ৰকাশ পাইছে। এই কথা প্ৰকাশ কৰিছে প্ৰতিষ্ঠানখনৰ এগৰাকী অধ্যাপকে। এই সন্দৰ্ভত তথ্য প্ৰদান কৰি কয় যে তেওঁ কয়ে যে গড়কাপ্তানি আৰু পৰিবহণ মন্ত্ৰালয়ৰ পৰা PCU প্ৰস্তুত কৰাৰ এক প্ৰকল্প লাভ কৰিছে।

ইয়াৰ পাছতে অহা বছৰৰ পৰা দেশত নতুন টোল নীতি প্ৰৱৰ্তন কৰা হ’ব বুলি চৰ্চা চলিছে। নতুন টোল নীতিৰ মতে GPS ভিত্তিত নতুন টোল কৰ সংগ্ৰহ কৰা হ’ব পাৰে। ইয়াৰ লগতে GPS ব্যৱস্থাৰ বাহিৰেও গাড়ীৰ আকাৰৰ ভিত্তিত টোল সংগ্ৰহ কৰাৰ সম্ভাৱনাও আছে। উল্লেখ্য যে বৰ্তমান নিৰ্দিষ্ট দূৰত্বৰ ভিত্তিত নিৰ্ধাৰিত মানৰ টোল সংগ্ৰহৰ কৰি অহা হৈছে।
নতুন টোল নীতিত সংশ্লিষ্ট বাহনখনে পথত পাৰ কৰা সময় আৰু দূৰত্বৰ ভিত্তিত বাহনখনৰ টোল কৰ সংগ্ৰহৰ কৰা হ’ব পাৰে। এই ক্ষেত্ৰত বাহনখনৰ আকাৰ আৰু বাহনখনে ৰাজপথৰ কিমান অংশ ব্যৱহাৰ কৰিছে তাকো পৰিমাপণ কৰা হ’ব পাৰে। বাহনখনৰ ওজনো মূল্যায়ন কৰা হ’ব।

যদি এই পদ্ধতিৰে টোল কৰ সংগ্ৰহ কৰা হয়, তেন্তে ই সৰু বাহনৰ গৰাকী আৰু কম দূৰত্ব ভ্ৰমণ কৰা লোকসকলে সকাহ পোৱাৰ সম্ভাৱনা আছে।
অৱশ্যে IIT BHU এই প্ৰকল্পৰ কাম অপৰ্ণ কৰা হৈছে যদিও এতিয়াও ইয়াৰ কাম আৰম্ভ হোৱা নাই বুলি প্ৰকাশ পাইছে। কিন্তু IIT BHUক এই প্ৰকল্প অপৰ্ণ কৰাৰ বাবেই দেশত টোল নীতি সলনি হোৱাটো প্ৰায় নিশ্চিত বুলি ধাৰণা কৰা হৈছে।