পুলুৱামাৰ চহিদৰ প্ৰতি শ্ৰদ্ধা জনাই হোলী উদযাপন নকৰিলে ত্ৰিপুৰাৰ মুখ্য মন্ত্ৰী বিপ্লৱ কুমাৰ দেৱে

ত্ৰিপুৰাৰ মুখ্য মন্ত্ৰী বিপ্লৱ কুমাৰ দেৱে এইবাৰ ৰঙৰ উৎসৱ হোলী উদযাপন নকৰিলে। জম্মু-কাশ্মীৰৰ পুলুৱামাত সংঘটিত ভয়াবহ সন্ত্ৰাসবাদী আক্ৰমণত চহিদ হোৱা বীৰ চি আৰ পি এফ জোৱান সকললৈ শ্ৰদ্ধাঞ্জলি জনাই হোলী উদযাপন নকৰাৰ সিদ্ধান্ত লৈছে মুখ্য মন্ত্ৰী জনে।

সাংবাদ মাধ্যমৰ জৰিয়তে মুখ্য মন্ত্ৰী জনে চহিদ পৰিয়ালক উৎসৱৰ সময়ত পুনৰবাৰ কৃতজ্ঞতা জ্ঞাপন কৰে। আনহাতে, হোলীৰ সময়ত মুখ্য মন্ত্ৰী জনে চৰকাৰী কাৰ্য্যালয়ৰ আৰু আগন্তুত লোকসভা নিৰ্বাচনৰ দলীয় কাম-কাজত ব্যস্ত থাকিব বুলি উল্লেখ কৰে।

আনহাতে, চলিত বৰ্ষত জম্মু-কাশ্মীৰৰ চি আৰ পি এফৰ জোৱান সকলেও নিজ সতীৰ্থ তথা পুলৱামা আক্ৰমণত চহিদ হোৱা বীৰ জোৱান সকলৰ প্ৰতি শ্ৰদ্ধা জনাই হোলী উদযাপন নকৰাৰ সিদ্ধান্ত গ্ৰহণ কৰে।

উল্লেখযোগ্য যে, অসমৰ বাক্সা জিলাৰ মনেশ্বৰ বসুমতাৰীও উক্ত আক্ৰমণত চহিদ হৈছিল।