নতুন দিল্লীৰ গণৰাজ্য দিৱসৰ পেৰেডলৈ নিমন্ত্ৰণী পত্ৰ লাভ কৰিছে অসমৰ দুই সফল কৃষকে
ধুবুৰী জিলাৰ দুগৰাকী কৃষকক প্ৰধানমন্ত্ৰীৰ কাৰ্যালয়ে নতুন দিল্লীত গণৰাজ্য দিৱসৰ পেৰেডত অংশগ্ৰহণৰ বাবে আমন্ত্ৰণ জনাইছে।
শালকোছা অঞ্চলৰ নিৰেশ চন্দ্ৰ বৰ্মন আৰু আমজামুল আমিনে লাভ কৰিছে প্ৰধানমন্ত্ৰীৰ কাৰ্যালয়ৰ আমন্ত্ৰণ।
এই আমন্ত্ৰণ অসমৰ কৃষি সমাজৰ বাবে এক গৌৰৱৰ কাৰণ বুলি উল্লেখ কৰিছে কৃষি বিভাগে।
অসমৰ কৃষিক্ষেত্ৰলৈ তেওঁলোকৰ অৱদানৰ বাবে এইদৰে আমন্ত্ৰণ জনোৱা হৈছে।
উল্লেখ্য যে ভেলুপাৰা দ্বিতীয় খণ্ডৰ গাঁওবাসী নিৰেশ চন্দ্ৰ বৰ্মন আৰু শ্ৰীগ্ৰাম গাঁৱৰ আমজামুল আমিনে খেতিৰ বাবে প্ৰশংসা লাভ কৰিছে।
প্ৰধানমন্ত্ৰী নৰেন্দ্ৰ মোদীয়ে শালকোচাৰ কৃষিক্ষেত্ৰত বৈপ্লৱিক পৰিৱৰ্তন আনিবলৈ কৃষক দুজনে কৰা প্ৰচেষ্টাৰ শলাগ লৈছে।
উল্লেখযোগ্য যে স্থানীয় কৃষকসকলক সৱলীকৰণৰ ক্ষেত্ৰত গুৰুত্বপূৰ্ণ ভূমিকা গ্ৰহণ কৰা শালকোচা সমবায় সমিতি লিমিটেডৰ অধ্যক্ষ নিৰেশ চন্দ্ৰ বৰ্মন। তেওঁলোকৰ নেতৃত্বত সমবায়খনে আধুনিক কৃষি পদ্ধতিৰ প্ৰৱৰ্তন কৰিছে, যাৰ ফলত অঞ্চলটোৰ অগণন পৰিয়াল উপকৃত হৈছে।