তিনিচুকীয়া জিলাৰ ডিগবৈৰ টিংৰাই বজাৰত আজি দুৰ্বৃত্তই সংঘটিত কৰা গ্ৰেনেড আক্ৰমণত নিহতৰ সংখ্যা দুজনলৈ বৃদ্ধি পালে।
আজি বিয়লি চিকিৎসাধীন অৱস্থাতে সুৰজিত তালুকদাৰৰ ডিব্ৰুগড় চিকিৎসা মহাবিদ্যালয়ত মৃত্যু ঘটে।
ইয়াকেলৈ গ্ৰেনেড বিস্ফোৰণত নিহতৰ সংখ্যা দুজনলৈ বৃদ্ধি পালে। উল্লেখ্য ক’ৰ’নাৰ সংহাৰে ত্ৰাসৰ সৃষ্টি কৰা অসমত আজি সংঘটিত হয় এক গ্ৰেনেড বিস্ফোৰণৰ ঘটনা।
তিনিচুকীয়া জিলাৰ ডিগবৈৰ টিংৰাই বজাৰত আজি দুৰ্বৃত্তই গ্ৰেনেড বিস্ফোৰণ ঘটোৱাত এজন লোক নিহত হোৱাৰ লগতে আন দুজন লোক গুৰুতৰ ভাবে আহত হয়।
জানিব পৰা মতে আজি দুপৰীয়া পুৰণমল আগৰৱালাৰ দোকানলৈ লক্ষ্য কৰি বাইকত অহা দুজন যুৱকে নিক্ষেপ গ্ৰেনেড। ফলত চাৰিজন গুৰুতৰভাৱে আহত। আহত চাৰিজনৰ ভিতৰত এজনৰ ডিগবৈ চিকিৎসালয়ত মৃত্যু।
মৃত লোক জনৰ নাম সন্দীপ সিং ( ২৫)। তেওঁৰ মাকুম শুকানপুখুৰীত ঘৰ বুলি জানিব পৰা গৈছে। চিকিৎসালয়ত চিকিৎসাধীন অৱস্থাত থকা আহত কেইজন হৈছে- মনজিৎ দাস( ১৯), সুৰজিৎ তালুকদাৰ (২২),ঘনশ্যাম আগৰৱালা ( ৩২)।ইয়াৰে সুৰজিত তালুকদাৰৰ মৃত্যু ঘটিছে।
গ্ৰেনেড নিক্ষেপৰ এই ঘটনাৰ সৈতে আলফা স্বাধীন জড়িত থকা বুলি সন্দেহ কৰা হৈছে যদিও আলফা স্বাধীনে এই ঘটনাত জৰিত থকাৰ কথা অস্বীকাৰ কৰিছে।
আলফা স্বাধীনৰ প্ৰচাৰ বিভাগৰ সদস্য ৰুমেল অসমে সংবাদ মাধ্যমলৈ প্ৰেৰণ কৰা বিবৃতিত গ্ৰেনেড বিস্ফোৰণৰ ঘটনাৰ সৈতে আলফা কোনোপধ্যে জৰিত নহয় বুলি স্পষ্ট কৰি দিছে।
ইতিমধ্যে ঘটনাস্থলীত তিনিচুকীয়া আৰক্ষী অধীক্ষকৰ লগতে এটা দল উপস্থিত হৈ আৰম্ভ কৰিছে তদন্ত ৷
কেইটামান দিনৰ পূৰ্বে জাগুনত হৈছিল এক বিস্ফোৰণ আৰু আজি পুনৰ টিংৰাইত সংঘটিত হোৱা বিস্ফোৰণে কি বুজাব বিচাৰিছে সেয়া ৰহস্যজনক ৷
