ৰে’ল যাত্ৰীৰ সুবিধাৰ্থে, ১৪ছেপ্টেম্বৰ, ২০২৩ তাৰিখৰ পৰা ৰে’ল নং. ১৩১৪৮/ ১৩১৪৭ (বামনহাট – শিয়ালদহ – বামনহাট) উত্তৰবঙ্গ এক্সপ্ৰেছ ৰে’লখনৰ কুমেদপুৰ জংচন ষ্টেচনত আৰু ১৫ ছেপ্টেম্বৰ ২০২৩ তাৰিখৰ পৰা ৰে’ল নং. ১৩১৪২/১৩১৪১ (নিউ আলিপুৰদুৱাৰ – শিয়ালদহ – নিউ আলিপুৰদুৱাৰ) তিস্তা তোৰ্চা এক্সপ্ৰেছ ৰে’লখনৰ ডালখোলা ষ্টেচনত দুই মিনিটৰ বাবে অতিৰিক্ত ষ্টপেজ প্ৰদান কৰা হৈছে।
১৪ ছেপ্টেম্বৰ, ২০২৩ তাৰিখে পশ্চিমবংগৰ কুমেদপুৰ জংচন ষ্টেচনত নতুন ষ্টপেজৰ সৈতে উত্তৰবঙ্গ এক্সপ্ৰেছৰ শুভাৰম্ভ কৰে সাংসদ (লোকসভা) খগেন মুৰ্মুৱে। লগতে, ১৫ছেপ্টেম্বৰ, ২০২৩ তাৰিখে ডালখোলা ষ্টেচনত নতুন ষ্টপেজৰ সৈতে তিস্তা তোৰ্চা এক্সপ্ৰেছৰ শুভাৰম্ভ কৰে সাংসদ (লোকসভা) দেৱশ্ৰী চৌধুৰীয়ে।
সেইদৰে, ৰে’ল নং ১৩১৪৮ (বামনহাট – শিয়ালদহ) উত্তৰবঙ্গ এক্সপ্ৰেছ ৰে’লখন ২০.২০ বজাত কুমেদপুৰ ষ্টেচনত আহি উপস্থিত হ’ব আৰু ২০.২২বজাত প্ৰস্থান কৰিব। ৰে’ল নং ১৩১৪৭ (শিয়ালদহ- বামনহাট) উত্তৰবঙ্গ এক্সপ্ৰেছ ৰে’লখন ০৩.৩৮বজাত কুমেদপুৰ ষ্টেচনত আহি উপস্থিত হ’ব আৰু ০৩.৪০বজাত প্ৰস্থান কৰিব।
ৰে’ল নং ১৩১৪২ (নিউ আলিপুৰদুৱাৰ – শিয়ালদহ) তিস্তা তোৰ্চা এক্সপ্ৰেছ ৰে’লখন ১৭.২৬ বজাত ডালখোলা ষ্টেচনত আহি উপস্থিত হ’ব আৰু ১৭.২৮ বজাত প্ৰস্থান কৰিব। ৰে’ল নং ১৩১৪১ (শিয়ালদহ – নিউ আলিপুৰদুৱাৰ) তিস্তা তোৰ্চা এক্সপ্ৰেছ ৰে’লখন ০০.০৮ বজাত ডালখোলা ষ্টেচনত আহি উপস্থিত হব আৰু ০০.১০ বজাত প্ৰস্থান কৰিব।
দুয়োখন ৰে’লৰ এই নতুন ষ্টপেজে ৰাজ্যৰ ৰাজধানীৰ সৈতে সংশ্লিষ্ট অঞ্চলসমূহৰ ৰে’ল যাত্ৰীসকলৰ ৰে’ল ভ্ৰমণৰ বাবে আন এটা বিকল্প প্ৰদান কৰিব। এই ৰে’লসমূহৰ ষ্টপেজ আৰু সময়ৰ বিৱৰণ আইআৰচিটিচি ৱেবছাইট আৰু এনটিইএছৰ জৰিয়তে উপলব্ধ থকাৰ লগতে বিভিন্ন বাতৰিকাকত আৰু উত্তৰ পূব সীমান্ত ৰে’লৱেৰ ছ’চিয়েল মিডিয়া প্লেটফৰ্মতো প্ৰকাশ কৰা হৈছে।
যাত্ৰীসকলক তেওঁলোকৰ যাত্ৰা আৰম্ভ কৰাৰ পূৰ্বে উক্ত বিস্তৃত তথ্য অৱলোকন কৰাৰ বাবে অনুৰোধ কৰা হৈছে।
