পৃথিৱীৰ সৰ্বোচ্চ পৰ্বতৰ নাম মাউণ্ট এভাৰেষ্ট। কিন্তু বিজ্ঞানীসকলে মাউণ্ট এভাৰেষ্টতকৈ প্ৰায় ১০০ গুণ ওখ দুখন পৰ্বত আৱিষ্কাৰ কৰিছে। কিন্তু এই গঠনসমূহৰ উপস্থিতি ভূপৃষ্ঠৰ তলত।
এক নতুন অধ্যয়নত কোৱা হৈছে যে পৃথিৱীৰ কোৰ আৰু মেণ্টেলৰ মাজৰ সীমাত দুটা দৈত্যকায় গঠন আছে। আৰু সেইবাবেই এই দুখন পৰ্বত আফ্ৰিকা আৰু প্ৰশান্ত মহাসাগৰৰ তলত অৱস্থিত বুলি ধাৰণা কৰা হৈছে। নেচাৰ আলোচনীত প্ৰকাশিত এক গৱেষণাৰ ফলাফলত এই তথ্য প্ৰকাশ পাইছে।
বিজ্ঞানীসকলৰ মতে, ভূপৃষ্ঠৰ তলত থকা পৰ্বত দুখনৰ উচ্চতা প্ৰায় ১০০০ কিলোমিটাৰ। আনহাতে মাউণ্ট এভাৰেষ্টৰ উচ্চতা প্ৰায় ৮.৮ কিলোমিটাৰ। প্ৰায় ৫০ কোটি বছৰ পুৰণি এই পৰ্বত দুখন। বিজ্ঞানী আৰ্ৱেন ডিউছে কয় যে এইবোৰ কি প্ৰকৃততে কোনেও নাজানে।
গৱেষণাৰ ফলাফল অনুসৰি পৃথিৱীৰ কোৰ আৰু মেণ্টেলৰ মাজত দুটা বিশাল গঠন অৱস্থিত। এই দুখন পৰ্বত আচলতে এটা বৃহৎ টেকটনিক প্লেটৰ সংযোগস্থলত আছে। এখন টেকটনিক প্লেট আন এখনৰ তলত সোমাই যোৱাৰ বাবে পৰ্বতবোৰ গঠন হৈছিল।
বিজ্ঞানীসকলে কেইবা দশক পূৰ্বে জনাইছিল যে ভূমিকম্পৰ শ্বকৱেভৰ কাৰণে পৃথিৱীৰ গভীৰত বিশাল গঠনৰ সৃষ্টি হৈছে। চাৰিওফালে থকা টেকটনিক প্লেটতকৈ পৰ্বতৰ গঠন অধিক গৰম। ধাৰণা কৰা হৈছে যে আমাৰ পৃথিৱীৰ ভূপৃষ্ঠৰ এটা বৃহৎ অংশ এতিয়াও গৰম আৰু গলিত হৈ আছে আৰু লাহে লাহে ঠাণ্ডা হৈ আহিছে। ইয়াৰ ফলত ভৱিষ্যতে বহুতো কঠিন গাঁথনিৰ সৃষ্টি হ’ব পাৰে। নতুনকৈ আৱিষ্কাৰ কৰা পৰ্বতসমূহে পৃষ্ঠৰ তলত টেকটনিক প্লেটৰ সংঘৰ্ষৰ ফলত নতুন গঠনৰ বিষয়ে জানিবলৈ সুযোগ দিব।
