গুৱাহাটীত উপস্থিত হ’ল বিশ্বৰ চতুৰ্থ উচ্চতম শৃংগ আৰোহন কৰা অসমীয়া যুৱক দুজন
বিশ্বৰ অন্যতম চতুৰ্থ উচ্চতম শৃংগ কিলিমাঞ্জাৰোত অসমীয়াৰ ধ্বজা গামোচা উৰুৱাবলৈ সক্ষম হোৱা অসমীয়া যুৱক দুজন মঙলবাৰে গুৱহাটীত আহি উপস্থিত হয়।
বিমানযোগে মুম্বাইৰ পৰা বৰঝাৰ বিমানবন্দৰত উপস্থিত হোৱাৰ পিছতে পৰিয়ালৰ লোক তথা শুভাকাংশীসকলে উষ্ম আদৰণী জনায় দুয়োগৰাকী অসমসন্তানক।
উত্তৰ গুৱাহাটী ৰাজহ চক্ৰৰ অন্তৰ্গত চাংসাৰিৰ গৌৰীপুৰৰ নিৱাসী চন্দন দাস আৰু শশী প্ৰকাশ ৰায়ে সাগৰপৃষ্ঠৰ পৰা প্ৰায় ৬ হাজাৰ মিটাৰ উচ্চতাৰ শৃংগ চাৰিদিনৰ ভিতৰত সফলতাৰে আৰোহণ কৰি গামোচা উৰুৱাবলৈ সক্ষম হৈছিল।
উল্লেখ্য যে বিশ্বৰ চতুৰ্থতম উচ্চ শৃংগত তাপ মাত্ৰা -২০ ডিগ্ৰী চেলচিয়াছৰো তলত আছিল আৰু এই প্ৰতিকূল বতৰৰ তুষাৰ পাতৰ বাধাকো নেওচি দুই অসম সন্তান কিলিমানজাৰো শৃংগৰ উচ্চ শিখৰত উপস্থিত হৈ উৰুৱাবলৈ সক্ষম হৈছিল অসমৰ গামোচা ৷